“Piramidat” dalin para Gjykatës, gjashtë personat nën akuzë mashtruan qindra qytetarë - Vizion Plus

Описание: Subscribe: https://bit.ly/vizionplustv
Web: http://www.vizionplus.tv
Facebook:   / vizionplustv  
Twitter:   / vizionplustv  
Instagram:   / vizionplustv  
TikTok:   / vizionplustv  

Në Gjykatën e Fierit, po zhvillohet seanca për 6 të arrestuarit e operacionit policor Xuex, për goditjen e skemave piramidale online.

Arbër Çela, Emanuel Taullau, Flavio Mukaj, Marius Kodra, Brunilda Todi, dhe Brunilda Ndini kanë dala para trupës gjykuese si personat që kanë patur rol kyç në vjedhjen e qytetarëve dhe mbi ta rëndojnë veprat penale “ Skema mashtruese piramidale” dhe “ Mashtrim Kompjuterik” .

E gjithë skema ishte organizuar në lokalin ‘La Bonta’ në Lushnjë, ndërkohë që besohet se në kurth kanë rënë qindra persona.

Referuar dosjes, agjentë të policisë të infiltruar kanë rënë në kontakt me Ereledio Shebeku, i shpallur në kërkim bashkë me bashkëshorten, i cili kishte një tjetër grup në telegram për platformën XUEX.

35-vjeçari kishte lidhje me një shtetas angez të quajtur Leo Smith i cili u dërgonte linqe të ndryshme ne grupin privat dhe qytetarët duhet të pëlqenin faqet në mënyrë që të rritej përfitimi i tyre.

Agjentët e infiltruar kishin kontaktuar kamarierin e lokalit ‘La Bonta’, Emanuel Taullau i cili I lidhi me pronarin Arbën Çela. Ishte pikërisht Çela ai që u shpjegoi policëve se minimuni për tu futur në lojë ishte 1 mijë euro ose dollarë.

Lekët kalonin nga aplikacione të ndryshme deri në bankat e nivelit të dytë ku përfituesit mund të tërhiqnin fitimet. Pjesë e kësaj skeme janë bërë edhe zyrtarë të Bashkisë së Divjakës./vizionplus.tv