કથાકાર પ્રફુલભાઇ શુકલની ભાગવત કથામાં આજે ગોવર્ધનપૂજા ઉત્સવ ઉજવવામાં આવ્યો

Описание: *"ધર્માચાર્ય બનવું સહેલું છે, ધર્માંચારી બનવું કઠિન છે."*-પ્રફુલભાઇ શુકલ

ડાંગના કોરોના મૃતકોને સ્મરણાર્થે પ્રયોશા પ્રતિષ્ઠાન પૂ.પી.પી.સ્વામી દ્વારા યોજાયેલી કથાકાર પ્રફુલભાઇ શુકલની ભાગવત કથામાં આજે ગોવર્ધનપૂજા ઉત્સવ ઉજવવામાં આવ્યો હતો.વિમલભાઈ કપીલદેવ ભટ્ટ (તીઘરા) અને અલ્પેશભાઈ હર્ષદરાય ભટ્ટ (સલવાવ) ના યજમાન પદે ભગવાન ગોવર્ધનનાથજીની પૂજા કરવામાં આવી હતી.વ્યાસપીઠ પરથી ધર્મની વ્યાખ્યા સમજાવતા કથાકાર શ્રી પ્રફુલભાઇ શુકલ એ કહ્યું હતું કે ધાર્મિક દેખાવા કરતા ધાર્મિક બનવાની જરૂર વધારે છે.ધર્માંચાર્ય બનવું સહેલું છે.પણ ધર્માંચાર્ય બનવું કઠિન છે.ભૂખ્યા ને અન્ન આપવું એ જ સાચો ધર્મ છે.જલારામબાપા અને બજરંગદાસ બાપા એનું તાદ્દશ પ્રમાણ છે. યોગની ઓથમાં ભોગ પોષાતો હોય તો એ યોગ રોગ જ જન્માવે છે.૧૦૮ પ્રકારના શિવલીંગ શાસ્ત્રોમાં બતાવ્યા છે.એમાં પાર્થિવ શિવલીંગ સર્વશ્રેષ્ઠ છે.ધર્મકાર્યમાં આડો આવે એ જ સમાજનું મોટું "સુતક" છે.ધર્મકાર્યમાં હરીફાઈ નહિ પણ હૈયાનો ભાવ હોવો જોઈએ.સંસાર છોડ્યા પછી પણ આશ્રમો બનાવાની લાલસા ના જાતી હોય તો વૈરાગ્યનો દંભ કરવાનો કોઈ અર્થ નથી.'પરોપકરાય પુણ્યાય, પાપાય પરપીડનમ' એજ પરમ સત્ય છે લિંગા હાઇસ્કુલ ના સ્વામી સરજુ દાસ આચાર્ય અશોકભાઈ ભોંય ઉપસ્થિત રહ્યા હતા .ભારતીબેન સુરેશભાઈ પટેલ (પડઘા) દ્વારા ટેલીફોનિક સંકલ્પ થી પૂજા કરવામાં આવી હતી.આવતીકાલે રૂક્ષ્મણી વિવાહ પ્રસંગમાં શ્રી કૌશિકભાઈ નાનુભાઈ ટંડેલ (ભાગડાવાડા,કોસંબા) અને શ્રી રિતેશભાઈ રમેશભાઈ પટેલ (વરાછા) યજમાન પદે રહેશે.