ต่อแขนต่อขา - เฉลิมพล มาลาคำ [MUSIC VIDEO]

Описание: เพลง : ต่อแขนต่อขา
ศิลปิน : เฉลิมพล มาลาคำ
คำร้อง/ทำนอง : เฉลิมพล มาลาคำ
เรียงเรียบ : เติ้ง พลาญชัย

ติดตามข่าวสารความเคลื่อนไหวศิลปินท็อปไลน์ได้ทาง...
YouTube : https://goo.gl/WpvY4z
Facebook : https://goo.gl/ir27M1
LINE Official : https://goo.gl/0Waa4b

เนื้อเพลง -

น้าเอย น้าเอย น้าสาว ดีใจนำเจ้าที่สิได้แต่งงาน
แต่พี่อ้ายคิดนำหลายหลายก่อนเจ้าสิไปรับตำแหน่งแม่บ้าน
เป็นห่วงเรื่องประสบการณ์นำแนวหมู่นั้นที่เจ้าบ่เคย
นำแนวหมู่นั้นที่เจ้าบ่เคย น้าสาวกะเลยถามขึ้นว่า
แนวได๋แนวได๋ล่ะพี่อ้ายเรื่องดีหรือร้ายฮู้แล้วอย่าวางเฉย
ชี้แนะยินดีทำตามได้ยินคำถามแฮงอยากฮู้จังเลย
ย้อนว่าน้องนี้บ่เคยพี่อ้ายเอยให้ส่อยบอกส่อยสอน
พี่อ้ายเอยให้ส่อยบอกส่อยสอน พี่อ้ายฟังดีใจจ้าวจ้าว
มื้ออื่นให้เจ้าไปถ่าข้อยอยู่นา เตรียมแต่งดอกไม้ขันห้า
สิพาเสียเคราะห์ยกครูคลายก่อน เอาผัวมันต้องมีขั้นตอนพ้อกันอยู่ดอนหัวนาเด้อจ้า
พ้อกันอยู่ดอนหัวนาเด้อจ้า ตื้นเซ้าน้าสาวกะมาพอดี
เตรียมทำพิธียกครูพี่อ้ายให้น้าสาวทำโตสบาย
เจ้าอย่าโวยวายปากไปปากมา ทางพี่อ้ายเฮ็ดคือผีเข้า
ฝ่ายผู้น้าสาวกะคล้อยตามคือว่า เสร็จพิธีฟ้ากะเหลืองพอฟ้า
เรื่องนี้ข้อยกับน้าฮู้กันแค่สองคน เรื่องนี้ข้อยกับน้าฮู้กันแค่สองคน

แต่นั้นมาน้าสาวย้านแฮงหลายเทียวซวนพี่อ้ายยกครูอยู่บ่เซา
ยกฮอดยามแลงยามเช้าหลายหลบหลายเหล่าหลายเทื่อหลายหน
พี่อ้ายกะเลยหนีให้พ้นย้านลูกเมียฮู้ขืนอยู่ต่อไป ย้านลูกเมียฮู้ขืนอยู่ต่อไป
ถึงมื้อน้าสาวแต่งงานเธอมีประสบการณ์มั่นใจแล้วหนอ
สามทุ่มส่งตัวเข้าหอเล้าโลมเคลียคลอเจ้าบ่าวทันใด
ลีลาพี่อ้ายสอนให้เจ้าบ่าวแปลกใจกะเลยถามขึ้นว่า
เจ้าคือเก่งเรื่องนี้แท้ว่าเธอตอบไปว่าพี่อ้ายข้อยสอน
เธอตอบไปว่าพี่อ้ายข้อยสอน ผู้ผัวพอได้ฟังคำนี้
สูนขึ้นทันทีบักลุงนี้สำคัญ ผู้สาวก่อนที่เป็นเมียเฮา
มาถูกเขาล้อกินเสียก่อน มึงเด้อจั่งถ่าเบิ่งถ่อน
ต้องมีวันแก้แค้นจักมื้ออยู่นา ต้องมีวันแก้แค้นจักมื้ออยู่นา

ด้วยความคับแค้นในใจที่ลุงเฮ็ดให้กับเมียเจ้าของ
เฝ้าสอดสายตาคอยมองผู้กำลังท้องนั้นคือแม่ป้า
สิหาเรื่องนอนนำคือว่าเอาคืนก่อนน๊าจั่งสิส่วงหัวใจ
คำถามว่าป้าเอยป้าตอนนี้หนาผัวเจ้าบ่อยู่ สองเดือนตั้งท้องอ่อนอ่อนย้านมันขาดตอนรวมโตบ่ได้
สิส่อยต่อแขนต่อขาป้าเอยป้าเจ้าสิว่าจั่งได๋ สิว่าจั่งได๋หนอป้าหนอป้า
แล้วแต่เจ้าสิเฮ็ดแล้วน้าบ่าว ลูกข้อยหลานเจ้าเฮากะพี่น้องกัน
ให้มันเกิดมาสมบูรณ์ถือว่าบุญคุณของเจ้าเด้น้า ซังฮอดพ่อมันซ้ำหนาต่อแขนต่อขาบ่ทันแล้วกะหนี
ต่อแขนต่อขาบ่ทันแล้วกะหนี
จากนั้นหลายเดือนผ่านไปผู้เมียกะให้กำเนิดลูกออกมา
ผู้ผัวกลับคืนสู่บ้านมาเห็นผลงานกะชื่นชมยินดี
ย่องลูกว่าคือเป็นตาฮักลูกไผ๋หนอคือเป็นตาฮักจั่งซี้
เมียได้ยินเลยเว้าออกไปว่าหึย บ่ได้น้าบ่าวต่อแขนต่อขา
จ้างกะเกิดมาบ่สมบูรณ์ปานนี้ผู้ผัวฟังอุกใจเต็มที่มันนำกูทันชาตินี้อีหลีแท้หนอเวรกรรม
มันนำกูทันชาตินี้อีหลีแท้หนอเวรกรรมฮึ่ย สูนเด้