من روس عزوة مطير مدلهين القصير -خالد ال بريك - عيضه الثبيتي-2026-حصرياً

Описание: ‏🔔 Subscribe - لايك Like
اشترك وفعل الجرس 🛎 ليصلك كل جديد

بن نايف للتصميم والمونتاج
_____________________

للتواصل والاستفسارات :
الحسابات الرسمية لـ قناة بن نايف .
‏Whatsapp : 0506895001

‏ للسناب : B3.Nif

الكلمات :

عدّيت رجمٍ وراه اتغيب شمس العصير
اليا ارتخت ثم هفّت يم محوالها

من لا عرفها حسبها كورةٍ تسدير
مع انّها ثابته في موقع لحالها

غيابها مايسرّ اللّي معه نفس طير
اتغيب وتبين وهجوسه على حالها

في مرقبٍ جعل يسقيه السحاب الغزير
من مزنةٍ سيلها قدّام همّالها

يفوح معها الخزامى والنفل والعبير
لين الحمامه ماغير اْتجرّ موالها

لا غنّت الراعبيه جعل مقسوم خير
حذفت بعمامة البسّام وعقالها

مركاي فوق الحجر ماهو بقطن وحرير
مقابل اللّي يعدل الراس فنجالها

برّيةٍ لو شرب فنجال منها جرير
تطري عليّه اللّي امرُوء القيس ماقالها

الصدق منجاه و ألاّ الكذب حبله قصير
عسى هل الاوله ماتقصر حبالها

الطيبين اْتهقى في كل طيّب ضمير
والاّ الرديين فال الله ولا فالها

والهقوه اللّي ماينقلها سنام البعير
يقلط لها واحدٍ يبرك ويشتالها

وانا لامنّه دعاني واحدٍ من مطير
كنّه يبشّر بـ ندرًا هلّت خيالها

ابشر يا(عبدرحمان) وماتريده يصير
في ليلةٍ من طناختك انتحرى لها

أطنخ يا بو فازع ورحّب ومحفلك غير
فـ أجمل ليال السنه لا عدّوا ليالها

من طيب راسك وساسك جعل خيرك كثير
حتى التراحيب ريح العود يبرالها

كبرّت روس الاكابر فالمقام الكبير
ومن الزحام الهواتف يقطع ارسالها

يامرحبا ياهلا من فازع ابن شقير
شطيطيٍ لا ارتكى للكايده طالها

شيخٍ على الاولات تقول ماله خشير
عليه روس الرجال تعلّق امالها

من طيب راسه يعِدّ الضيف مثل الامير
تنصاه روس الرجال ويكرّم سبالها

من شاوره ياخذ برايه ونعم الشوير
ماينثني للصعايب غير حلالّها

من ذخر هادي وهادي ذخر سيفٍ شطير
من لابةٍ يشهد التاريخ لا افعالها

الاد هادي ذراهم يمّن مستجير
فرسان فسروج (عيّالات) وابطالها

برجس ومرزوق ماقفهم لا صاح النذير
وعوض يرد البل اليا صاح وبّالها

عبادلٍ لا أبتدأ اليوم الكبير الخطير
قومٍ يزعزع صفوف القوم خيّالها

من روس عزوة مطير مدلّهين القصير
قبيلةٍ و النعم مليون تثنى لها

لاجاء النهار العبوس الاسود القمطرير
نارٍ يذوب الحديد الصُلب في جالها

عن قيس عيلان لاقامت قبيلة مطير
ترى قبيلة مطير اتكفّي لحالها