षड्गोस्वाम्यष्टकम् | Sri Sri Shad-gosvamy-ashtakaht|Prayers to the Six Gosvamis by Srinivasa Acarya|

Описание: Sri Sri Shad-gosvamy-ashtaka

Eight Prayers to the Six Gosvamis
by Srinivasa Acarya
कृष्णोत्कीर्तनगाननर्तनपरौ प्रेमामृताम्भोनिधी
धीराधीरजनप्रियौ प्रियकरौ निर्मत्सरौ पूजितौ ।
श्रीचैतन्यकृपाभरौ भुवि भुवो भारावहन्तारकौ
वन्दे रूपसनातनौ रघुयुगौ श्रीजीवगोपालकौ || १ ||
नानाशास्त्रविचारणैकनिपुणौ सद्धर्मसंस्थापकौ
लोकानां हितकारिणौ त्रिभुवने मान्यौ शरण्याकरौ ।
राधाकृष्णपदारविन्दभजनानन्देन मत्तालिकौ
वन्दे रूपसनातनौ रघुयुगौ श्रीजीवगोपालकौ || २ ||
श्रीगौराङ्गगुणानुवर्णनविधौ श्रद्धासमृद्ध्यन्वितौ
पापोत्तापनिकृन्तनौ तनुभृतां गोविन्दगानामृतैः ।
आनन्दाम्बुधिवर्धनैकनिपुणौ कैवल्यनिस्तारकौ
वन्दे रूपसनातनौ रघुयुगौ श्रीजीवगोपालकौ || ३ ||
त्यक्त्वा तूर्णमशेषमण्डलपतिश्रेणीं सदा तुच्छवत्
भूत्वा दीनगणेशकौ करुणया कौपीनकन्थाश्रितौ ।
गोपीभावरसामृताब्धिलहरीकल्लोलमग्नौ मुहु-
र्वन्दे रूपसनातनौ रघुयुगौ श्रीजीवगोपालकौ || ४ ||
कूजत्कोकिलहंससारसगणाकीर्णे मयूराकुले
नानारत्ननिबद्धमूलविटपश्रीयुक्तवृन्दावने ।
राधाकृष्णमहर्निशं प्रभजतौ जीवार्थदौ यौ मुदा
वन्दे रूपसनातनौ रघुयुगौ श्रीजीवगोपालकौ || ५ ||
सङ्ख्यापूर्वकनामगाननतिभिः कालावसानीकृतौ
निद्राहारविहारकादिविजितौ चात्यन्तदीनौ च यौ ।
राधाकृष्णगुणस्मृतेर्मधुरिमाऽऽनन्देन सम्मोहितौ
वन्दे रूपसनातनौ रघुयुगौ श्रीजीवगोपालकौ || ६ ||
राधाकुण्डतटे कलिन्दतनयातीरे च वंशीवटे
प्रेमोन्मादवशादशेषदशया ग्रस्तौ प्रमत्तौ सदा ।
गायन्तौ च कदा हरेर्गुणवरं भावाभिभूतौ मुदा
वन्दे रूपसनातनौ रघुयुगौ श्रीजीवगोपालकौ || ७ ||
हे राधे व्रजदेवीके च ललिते हे नन्दसूनो कुतः
श्रीगोवर्धनकल्पपादपतले कालिन्दीवने कुतः ।
घोषन्ताविति सर्वतो व्रजपुरे खेदैर्महाविह्वलौ
वन्दे रूपसनातनौ रघुयुगौ श्रीजीवगोपालकौ || ८ ||
इति श्रीश्रीनिवासाचार्यविरचितं षड्गोस्वाम्यष्टकं सम्पूर्णम् ।


(1)
krishnotkirtana-gana-nartana-parau premamritambho-nidhi
dhiradhira-jana-priyau priya-karau nirmatsarau pujitau
sri-caitanya-kripa-bharau bhuvi bhuvo bharavahantarakau
vande rupa-sanatanau raghu-yugau sri-jiva-gopalakau

(2)
nana-sastra-vicaranaika-nipunau sad-dharma-samsthapakau
lokanam hita-karinau tri-bhuvane manyau saranyakarau
radha-krishna-padaravinda-bhajananandena mattalikau
vande rupa-sanatanau raghu-yugau sri-jiva-gopalakau

(3)
sri-gauranga-gunanuvarnana-vidhau sraddha-samriddhy-anvitau
papottapa-nikrintanau tanu-bhritam govinda-ganamritaih
anandambudhi-vardhanaika-nipunau kaivalya-nistarakau
vande rupa-sanatanau raghu-yugau sri-jiva-gopalakau

(4)
tyaktva turnam asesha-mandala-pati-srenim sada tuccha-vat
bhutva dina-ganesakau karunaya kaupina-kanthasritau
gopi-bhava-rasamritabdhi-lahari-kallola-magnau muhur
vande rupa-sanatanau raghu-yugau sri-jiva-gopalakau

(5)
kujat-kokila-hamsa-sarasa-ganakirne mayurakule
nana-ratna-nibaddha-mula-vitapa-sri-yukta-vrindavane
radha-krishnam ahar-nisam prabhajatau jivarthadau yau muda
vande rupa-sanatanau raghu-yugau sri-jiva-gopalakau

(6)
sankhya-purvaka-nama-gana-natibhih kalavasani-kritau
nidrahara-viharakadi-vijitau catyanta-dinau ca yau
radha-krishna-guna-smriter madhurimanandena sammohitau
vande rupa-sanatanau raghu-yugau sri-jiva-gopalakau

(7)
radha-kunda-tate kalinda-tanaya-tire ca vamsivate
premonmada-vasad asesha-dasaya grastau pramattau sada
gayantau ca kada harer guna-varam bhavabhibhutau muda
vande rupa-sanatanau raghu-yugau sri-jiva-gopalakau

(8)
he radhe vraja-devike ca lalite he nanda-suno kutah
sri-govardhana-kalpa-padapa-tale kalindi-vane kutah
ghoshantav iti sarvato vraja-pure khedair maha-vihvalau
vande rupa-sanatanau raghu-yugau sri-jiva-gopalakau