Shije Shtëpie - Lakror me miell misri dhe presh - Tv Klan

Описание: #ShijeShtëpie në #TvKlan. Emision edukues, informues & argëtues me znj. Vjollca dhe Katerina Trungu. Çdo ditë me recetat e thjeshta dhe mbi të gjitha ekonomike te znj. Vjollca duke edukuar amvisat si të ushqehemi shëndetshëm. Rubrika të ndryshme me të ftuar specialë me këshilla të thjeshta praktike, të kuptueshme nga të gjithë, për çdo aspekt të të përditshmes. Argëtim, me muzikë dhe quiz, lojëra gjithëpërfshirëse që të japin atë dëshirën për të luajtur dhe për të komunikuar live me Katerinën dhe të ftuarit e saj.

Lakror me miell misri dhe presh
4 filxhanë çaj me miell misri
1 kg presh
1 fç vaj
400 gr djathë ose gjizë
1 vezë
1 gotë qumësht
Kripë dhe piper i zi

Pastrojmë preshët dhe pasi i presim më katërsh për së gjati, i grijmë hollë. I vendosim në tigna ku shtojmë pak kripë. I mbulojmë sa të djersiten pak dhe shohim kur tigani të mos ketë lagështirë shtojmë vaj dhe i kaurdisim preshët deri sa të ulin volumin e të zbuten pak. Shtojmë qumështin dhe i lëmë të ziejnë preshët me qumështin për 3 minuta. Më pas i largojmë mënjanë dhe kur të bjerë temperatura shtojmë djathin ose gjizën, vezën, piper të zi sipas dëshirës.
3/4 e miellit e vendosim në një tenxhere ose tas ku do të shtojmë vaj, kripë, 2 gota ujë të nxehtë. I përziejmë së bashku deri sa të na formohet një brumë i trashë që derdhet nga luga. Këtë brumë e hedhim në një tepsi të lyer mirë me vaj dhe me shpinën e lugës e nivelojmë në të gjithë sipërfaqen e tepsisë. Mbi bazën me brumin e misrit shtojmë mbushjen me presh. Mbi presh pudrosim sipërfaqen e tavës me miellin që lamë mënjanë dhe e lagim me ujë ose qumësht. E spërkatim me vaj dhe e vendosim në furrë në temperaturën 220 gradë për 30 minuta. Më pas e shërbejmë të vakët.

SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/ #Receta#ZonjaVjollca#KaterinaTrungu