Könül Xasıyeva - Simai-şəms, muğam (Müşaiyət edir Şəkinin "Zirvə" İnstrumental Ansamblı) Şəki 1994

Описание: Xasıyeva Könül Kazım qızı 1968-ci il mart ayının 17-də Şəkidə anadan olmuşdur.
Məşhur muğam ifaçısı səhnəyə 1981-ci ildə Azərbaycan Respublikasının Ümummilli Lideri Heydər Əliyevin sərəncamı ilə təşkil olunmuş “Gənclərin ümumrespublika baxış” müsabiqəsində çıxmış və həmin müsabiqənin qalibi olmuşdur. Könül Xasıyeva təhsili dövründə - 1981-1986-cı illərdə Bülbül adına orta ixtisas musiqi məktəbində xalq artisti Şövkət Ələkbərovanın, 1986-1991-ci illərdə Azərbaycan Dövlət Konservatoriyasında (indiki Musiqi Akademiyası) xalq artisti Arif Babayevin tələbəsi olmuşdur.
Şəkinin ən dəyərli sənətçilərindən biri olan Könül xanım Azərbaycanın bütün şəhər və rayonlarında, eləcə də Türkiyə, Almaniya, Fransa, İsveçrə, İtaliya, İran, Rusiya və s. kimi ölkələrdə, həmçinin, dövlət tədbirlərində, ictimai tədbirlərdə, cəbhə və döyüş bölgələrində böyük konsertlərdə çıxış etmişdir.
Könül Xasıyeva ”Azərbaycan Bayrağı” ali diplomuna, “Ustad Sənətkar” və “Qızıl Qələm” media mükafatlarına, Azərbaycan Respublikası Prezidentinin fərdi təqaüdünə, “Azərbaycan Respublikasının əməkdar artisti” və “Azərbaycanın xalq artisti” fəxri adlarına layiq görülmüşdür.