២៧៩. នាវាចម្បាំង ច្រៀងដោយៈ នី សាលឿន និពន្ធទំនុកច្រៀងៈ មាស ស៊ីថុល

Описание: ថតនិងកាត់តៈ អេង វុទ្ធី
នាវាចម្បាំង
១. នាវាចម្បាំងចេញចាកពីផែ ហែលពុះជ្រែកទន្លេ ដឹកយុទ្ធជនខ្មែរចេញទៅសមរភូមិ ទន្លេមេគង្គខ្យល់បោករលកគ្រាំៗ ហាក់ដូចជួយស្រែកលាម៉ុម ឈប់យំពេលយើងបែកគ្នា។
២. ដៃស្រីបីកូនបង្ហូរទឹកភ្នែក ទ្រូងបងសែនសង្វេគ អាណិតស្រីពេករត់តាមមាត់ច្រាំង បងជាយុទ្ធជនត្រូវតែចេញច្បាំង កម្ចាត់បណ្ដេញពួកខ្មាំង ឈ្លានពានទឹកដីកម្ពុជា។
ប. គុណព្រះអង្គដងកើមានរឹទ្ធបារមី សូមលោកជួយរក្សាស្រី ឲ្យបានសុខព្រមទាំងបុត្រា ជួយខ្ញុំច្បាំងឈ្នះមានជ័យគ្រប់គ្រា ត្រលប់វិលជួបភរិយា រក្សាកូនប្រុសពន្លក។
៣. បើបងរងគ្រោះស្លាប់ក្នុងសមរភូមិ បងសុំចិត្តមាសស្ងួន រក្សាកូនស្នងឈ្មោះឳពុក សត្រូវវិនាសពៅអើយទើបជាតិបានសុខ រុងរឿងថ្កុំថ្កើងទៅមុខ ខ្មែរបានសុខជួបជុំគ្នាអើយ។