IL-KOMUNITÀ TA’ ĦAL KIRKOP TAĦT XOKK

Описание: ONE.COM.MT •
L-isplużjoni fil-Kamra tan-Nar ta’ San Ġużepp ta’ Ħal Kirkop, li ħadet il-ħajja ta’ Nardu ż-Żurrieqi ħalliet il-komunità Koppina xxukkjata.

Fuq il-post tal-inċident inġabru wkoll xi qraba u dilettanti tan-nar minn Ħal Kirkop.

Emozzjonat, wieħed mill-Koppini ddeskriva magħna lill-vittma ta’ din id-diżgrazzja, Leonard Camilleri. Huwa tkellem magħna dwar kif għaxar snin ilu, Nardu kien ħelisha ħafif fil-kamra tan-nar li tant kien iħobb.

“Tafu ‘l Nardu ż-Żurrieqi?”

“Nafu ħafna, u kien all-right, tlifna ras minnu, qed tifhem? Imma issa m’hemmx x’tagħmel, u t-tifel tiegħi kien jitla’ kuljum hawn u nzerta kien xogħol illum, għax kien ilaqqata’ wkoll, ibni. Għidtlu mur agħmel kuruna u agħmilha quddiem San Ġuzepp, għax miraklu.”

“Jidher li 10 snin ilu kienet seħħet xi splużjoni?”

“L-istess wieħed, Nardu”.

Meta żorna r-raħal ċkejken ta’ Ħal Kirkop, kienet tiddomina il-ħemda u d-dieqa.

Iż-żewġ għaqdiet mużikali tar-raħal tellgħu il-bnadar mezzasta bħala rispett lejn il-vittma. Iltqajna ma’ anzjan li kien jaf lil vittma mill-qrib, li ddiskrevih bħala raġel umli.

“Tafu lil Nardu ż-Żurrieqi?. Nafu ħafna. Hu trabba miegħi, il-knisja u hekk, kien raġel sewwa, kien jitla l-każin, spiss u qatt ma ta fastidju lil ħadd. M’hemmx tagħmel... se jħossuh ħafna … tal-każin... imma.”

Sadanittant, is-Soċjetà Mużikali San Ġużepp ta’ Ħal Kirkop bagħtet il-kondoljanzi lil ħutu u lil qraba u appellat għall-kawtela f’dawn il-mumenti koroh.