Voir avec les yeux de Dieu //Tamuɣli s wallen n Ṛebbi (Tamezgida III)

Описание: Partage de la Parole de Dieu:
Tamuɣli s wallen n Ṛebbi - Tamezgida III -

-----------------------------------------------------------
Beṭṭu n tseddaṛin deg wawal iqedsen :
Tamezgida III – (Tamuɣli s wallen n Ṛebbi)
Les versets du partage biblique
Église III - “ Voir avec les yeux de Dieu”
-----------------------------------------------------------

At Ṛuman 12 : 15-17 (Romains 12 : 15-17)
15 feṛḥet d wid ifeṛḥen, ttrut d win yettrun.
16 Ur xeddmet ara lxilaf wway gar-awen, ur ssimɣuṛet ara iman-nwen meɛna ddut s wannuz, ur ḥettbet ara iman-nwen d wid yesnen.
17 Ur d-ttarrat ara ttaṛ seg wid i kken-iḍuṛṛen, nadit ɣef wayen yelhan zdat yemdanen meṛṛa.

Laṣel n ddunit 3 : 5 (Genèse 3 : 5)
Lameɛna Illu yeẓra belli, ass m'ara teččem seg-s, allen-nwen ad ldint yerna ad tilim am Yillu, ad tissinem lxiṛ akk d cceṛ.

2 At Kurintus 4 : 7 (2 Corinthiens 4 :7)
7 Nekkni yettawin deg iman-nneɣ agerruj-agi, necba ticmuxin n wakal, i wakken tazmert-agi tameqqrant a d-tban belli tusa-d sɣur Sidi Ṛebbi mačči sɣur-nneɣ.

1 At Kurintus 6 : 19-20 (1 Corinthiens 6 : 19-20)
19 Ur teẓrim ara daɣen belli Ṛṛuḥ iqedsen yezdeɣ di lǧettat-nwen? Ṛṛuḥ-nni i wen-d-ittunefken sɣur Sidi Ṛebbi? Ur teẓrim ara belli ur tettalasem ara deg iman-nwen?
20 Axaṭer yella win i kken-id-ifdan s wazal d ameqqran, ɣlayen. Ɛuzzet ihi Sidi Ṛebbi di lǧettat-nwen.

Icɛaya 11 : 3-4 (Esaïe 11 : 3-4)
3 A t-ittawi di ṭṭaɛa n Umeɣlal. Ur iḥekkem ara s wudmawen, ur tt-igezzem ara di ṛṛay γef lsas n wayen i-ysell. 4 A d-isbeggen lḥeqq n igellilen, ur iṭṭellim ara imeɣban n ddunit; awal-is d aɛekkaz swayes ara iwet ddunit, ad iṣuḍ deg wemcum, a t-ineɣ.

1 Camwil 16 : 6-13 (1 Samuel 16 : 6-13)
Mi d-wwḍen, Camwil iwala Ilyab, dɣa yenna: "Mebla ccekk, lmasiḥ n Umeɣlal atan zdat-s". 7 Ameɣlal inna-d i Camwil: Ur ttmuqul ara ɣer ṣṣifa-s neɣ ɣer lqedd-is ɛlayen, axaṭer ugiɣ-t. Ameɣlal ur ittwali ara ayen yettwali wemdan; amdan ittmuqul ayen yetteɛǧaben i wallen, lameɛna Ameɣlal ittmuqul ul". 8 Icay isawel i Abinadab, dɣa yesɛedda-t-id zdat n Camwil. Camwil inna: "Wagi daɣen, Ameɣlal ur t-ixtaṛ ara". 9 Icay isɛedda-d Cama dɣa Camwil inna: "Wagi daɣen, Ameɣlal ur t-ixtaṛ ara". 10 Icay isɛedda-d sebɛa n warraw-is zdat n Camwil. Camwil inna i Icay: "Ameɣlal ur ixataṛ ara wigi." 11 Camwil inna i Icay: "D ayagi i tesɛiḍ n warrac? Yerra-yas : "Mazal amecṭuḥ; atan ikess lmal". Camwil inna i Icay : "Ceggeɛ a t-id-awin, axaṭer ur nettɣimi ara alamma yewweḍ-ed ɣer dagi". 12 Icay iceggeɛ dɣa wwin-t-id: d azubaɣ, isɛa allen lhan-t, yerna yecbeḥ. 13 Ameɣlal inna-d i Camwil: "Kker, dehn-it, axaṭer d netta." Iddem-ed Camwil iccew-nni n zzit, dɣa idehn-it ger watmaten-is. Ṛṛuḥ n Umeɣlal yers-ed ɣef Dawed, seg wass-nni d asawen. Imiren Camwil ikker, yuɣal ɣer Rama.

1 At Kurintus 1 : 18-19 (1 Corinthiens 1 : 18-19)
18 D tidett, abecceṛ n lmut n Lmasiḥ ɣef wumidag d tidderwect i wid iḍaɛen ; meɛna ɣur-nneɣ nekkni yellan deg webrid n leslak, d tazmert n Ṛebbi.
19 Atan wayen i d-nnant tira iqedsen :
Ad snegreɣ tamusni n imusnawen, ad rreɣ d ulac lefhama n wid ifehmen.


-----------------------------------------------------------

Tags:
| Prédication Chrétienne Kabyle I Partage biblique I Partage de la Parole de Dieu | Chrétiens | Eglise | berbères | Kabylie | Jésus-Christ | Sidna Eisa | Dieu | Témoignage d'un Chrétien Kabyle | L'Eglise | L'ordre de Dieu | La bible en kabyle I La bible audio en kabyle I La Parole de Dieu en kabyle

Source:
| Louange kabyle chretienne anzal am david | Culte de l'eglise en kabyle | Christ kabyle |Les paroles de la bible en kabyle | La bible audio en kabyle | Prédication évangelique kabyle I Bible récité en kabyle I luqa parole chrétien kabyle I Culte chrétien kabyle I Verset biblique en kabyle I film chrétien kabyle