Burger King шетелдік екі басшыны жұмыстан шығарды

Описание: Burger King-тегі жанжал одан әрі ушыға түсті. Қоғамның наразылығына ұшыраған компания басшылық лауазымдағы екі қызметкерін жұмыстан қуды. Әрі даулы істің мән-жайын анықтауға бағытталған ішкі тергеу жалғасып жатыр. Бірақ, аумақтық менеджерлер тарапынан қысым көріп, жұмысынан кетуге мәжбүр болған Әлібектің анасы Жанат Қаратай Burger King-тің бұл қадамына қоғамдық резонанс қана себеп болғанын айтты. Яғни, компания өкілдері әлі кешірім сұрамаған.
ЖАНАТ ҚАРАТАЙ, Алматы қаласының тұрғыны:
Шын мәнінде, компания қоғам наразылығынан соң ғана осындай шешім қабылдап отыр. Әйтпесе, әу баста-ақ қарар еді. Жоқ, олар алдымен жұмыстан шығардық деп, кейін жоқ еңбек демалысында деп ақпар таратты. Меніңше, қоғамда мұндай жағдай болмауға тиіс. Бұл оқиға ерекше қажеттілігі бар адамдарға жасалған ең соңғы қысым болса екен. Біз қайта керісінше оларға барлық қажетті жағдайды ұсынуымыз керек қой.
Жанат Қаратайдың айтуынша, Әлібекті қыспаққа алу күз айларында басталған. Сол қыркүйек-қазан кезінде жағдайы нашарлап, көңіл-күйі түскен. Сондықтан, дәрігердің көмегіне жүгінуге тура келіпті. Бірнеше мәрте жаңа басшылығымен сөйлескен де. Алайда, көзқарас өзгере қоймаған. Сол үшін жұмыстан шығу туралы арыз жазуға мәжбүр болыпты. Бұл резонансты іске еңбек және халықты әлеуметтік қорғау министрлігі де араласты. Салалық ведомство жағдайды толық бақылауына алып отыр. Айта кетейік, Бургер Кингке қатысты дау бірнеше күннен бері қызу талқыланып жатыр. Әлеуметтік желіде жымдам тамақтану орталығына байкот жариялап жатқандар да көп.
#Информбюро #31арна #БастыЖаңалықтар #Новости #31канал