Unka Ho Kar Khud Unhe | اُن کا ہو کر خود انہیں | Kalam Hazrat Kamil Shuttari | Chand Qawwal

Описание: This kalaam is recorded on the occasion of the Urs Shareef of Hazrat Mir Bakhtiar Ali Khan Sahib Qibla Abul Ulai رحمة الله عليه on 17th Moharram ul Haram 25th July 2024 under the guardianship of Hazrat Mir Wasif Ahsan Khan Sahib Abul Ulai Sajjada Nasheen Dargah Hazrat Banda Shah Sahib Qibla Abul Ulai رحمة الله عليه, Riasath Nagar, Hyderabad Deccan

This famous kalaam is a mix of two ghazals "Unka ho kar" and "Aap ko paata nahi" both penned by Hazrat Kamil Shuttari Hyderabadi, in same Behr and Radeef.


Lyrics:

ان کا ہو کر خود انہیں اپنا بنا سکتا ہوں میں
کھو دیا سب کچھ تو پھر سب کچھ ہی پا سکتا ہوں میں

اپنے دشمن کو بھی سینہ سے لگا سکتا ہوں میں
آپ کی خاطر یہ زحمت بھی اٹھا سکتا ہوں میں

ہوتے ہوتے ہو گئی حاصل مجھے فہم ستم
آپ کے ہر جور پر اب مسکرا سکتا ہوں میں

پی بھی لوں آنسو تو آخر رنگ رخ کو کیا کروں
سوز غم کو کیا کسی عنواں چھپا سکتا ہوں میں

تم مرے رونے پہ ہنستے ہو خدا ہنستا رکھے
یہ بھی کیا کم ہے کہ رو کر تو ہنسا سکتا ہوں میں

سوز دل خود مستقل دولت ہے کاملؔ عشق کی
اپنے ہم چشموں سے آنکھیں تو ملا سکتا ہوں میں
____

آپ کو پاتا نہیں جب آپ کو پاتا ہوں میں
یا تو کھو جاتا ہوں یا پھر کھو دیا جاتا ہوں میں

آئینہ بن کر مقابل اس کے جب آتا ہوں میں
بندگی میں بھی خدائی کی جھلک پاتا ہوں میں

کچھ تڑپ جاتا ہوں کچھ تڑپا دیا جاتا ہوں میں
کیا محبت جرم ہے جس کی سزا پاتا ہوں میں

کچھ مقام ایسے بھی آتے ہیں سلوک عشق میں
ایک گم در گم حقیقت بن کے رہ جاتا ہوں میں

ایک دھن ایسی بھی ہوتی ہے کسی کی یاد میں
جاگتا ہوں دل سے اور آنکھوں سے سو جاتا ہوں میں

لٹ گئی کاملؔ جہاں ساری متاع زندگی
کیا تماشا ہے وہیں سے زندگی پاتا ہوں میں

#dargah #hyderabad #naat #qawwali #poetry #tasawuf #qawali #qawwaligallery #thumri