Qaraqan — Qayıdırıq Payıza

Описание: Retroqrad mental şəhərdir. Fərq etməz Bakı, Moskva ya Astana. Sən ömür boyu Retroqradda yaşayarsan və bundan xəbərin belə olmaz. Retroqradın yalan dəyərləri insanları bir-birindən uzaqlaşdırar. İnsanları bir-birinə və özlərinə düşmən edər.

Bu dəfə biz iki sevgilinin yenicə addım atdıqları həyatlarındakı çətinlikləri görürük. Sevgiləri böyük amma evləri darısqal, arzuları sonsuz amma onları yerinə yetirəcək imkanları yox. Ya da... Ya da Retroqrad onları hər gün aldadır. Daha çoxuna sahib olmağa, daha varlı, daha uğurlu, daha xoşbəxt olmağa çağırır. Retroqradın radioları fonda gedir, mahnıları pıçıldayır və bir də görürsən ki, sevmədiyin bu mahnını bu dəyəri sən də zümzümə edirsən.

Yadında saxla, Retroqradda insanlar bir-birini aclıqdan yemir, acgözlükdən yeyir.

Sevdiyiniz insanla dalaşmayın, ailənizi dağıtmayın — çox vaxt sizə ‘'ayrıl’', ‘'boşan’', ‘'xəyanət et’', ‘'dalaş’' deyən sizin içinizdəki səs deyil. Retroqradın laaap sakit fonda gedən radiosudur.

Diqqətli ol, Retroqradın dalğasını öz daxili arzularınla səhv salma.

***
Mahnının sözləri:

Gecələr uzun, günlər qısalır
Ağıl azalır, dillər uzanır
Atıb getdiyim o şəhəri tapa bilmirəm mən xəritədə
Deyirlər, day gəlmir səsi əzanın
Dolanır qəlbinə xatirələri
Sənə verdiyim o söz dənələrin topla
Səp mərmər qəlblinə, bəlkə biri çatı keçə, aça çiçək
Bəlkə soyuqluğunun səbəbi payız
Bəlkə yeni dünyada hamı belə buz
Hanı de o qız, arzuları saf
Yapış əlimnən, qayıdırıq payıza

Açaraq səmaya qanadları
Göylərdə qarışıb yağışa
Bəlkə biz başqa dünyanın adamları
Biz qayıdırıq əbədi payıza

Gecələr uzundu, gündüzlər qısalırdı
Sarımışdıq yaraları, sağalırdıq
Kirayə mənzilə aldığımız əşyaların
Arasında əsl sevgi axtarırdıq
Hərdən qapılarımız bağlanırdı
Hərdən dayaqlar atırdı karma
Deyirdim, düzələcək, inanırdın
İçimdə deyirdim: nə olar, inanma
Hərdən gözlərə yağırdı yağış
Hərdən ümid gətirirdi günəş
Hərdən bağlayırdıq uzun barış
Hərdən gecə-gündüz müharibə
Qəzəb yandırırdı bizi, nifrətə yenilirdik
Bütün xatirələr toz olurdu, silinirdi
Hərdən öldürürdük sevgimizi birdəfəlik biz
Amma əclaf səhər yenə dirilirdi
Hərdən yaraşırdı gözlərinə qaranlıq
Nifrətinə vurulurdum bir anlıq
Bitirməmiş dilimizdə söyüşü
Bir də görürdük dodaqlar öpüşür

Açaraq səmaya qanadları
Göylərdə qarışıb yağışa
Bəlkə biz başqa dünyanın adamları
Biz qayıdırıq əbədi payıza

Açaraq səmaya qanadları
Göylərdə qarışıb yağışa
Bəlkə biz başqa dünyanın adamları
Biz qayıdırıq əbədi payıza

***

Birinci Dərəcəyə Qoşul — İntibah səndən başlayır!
https://qaraqan.org/birinci-derece/

Instagram
  / qaraqanmusic  

Spotify
https://open.spotify.com/artist/6913K...

X
  / qvrvqvn  

İş birliyi və layihələrlə bağlı təkliflərinizi buraya göndərin
https://qaraqan.org/elaqe

Rəsmi saytımız:
https://qaraqan.org