إبراهيم عبدالعظيم | ايش غيّرك (النجع) | Ibrahim Abdelazem | Eish Ghayrak (Alnaga')

Описание: #ابراهيم_عبدالعظيم #النجع #ايش_غيرك
كلمات الأغنية |
ايش غيّرك وايش بدّلك
ماهو سلامك لوّل ماهو كلامك لوّل ماهو ملامك لوّل
اللي قبل تزعل وين عليك انطوّل
.....
بنلمها ما التمت
متبزعة تبزيع موش قريب
يافرحة المتشمت اللي كان قدامي بري وطيب
طاح الغطا وتعرت ومايضمروا قابل وبان الخافي
إن شاء الله سحابه ومرت ايرد بسمته وترق كبد الجافي
يعود لحنانه لوّل .. يعود لسلامه لوّل
.....
ماعاد مد اصباعه
ولا عاد نيته ف السلام علينا
وكل يوم منه إشاعه توصل يسربها سريعة اتجينا
اللي كان مايتريح إلا بجلسته معانا ونسمع سره
بدا في الكلام ايميّح ويجتر في الماضي وقصع الجُره
وتقوللي سلامك لوّل .. لا ماهو سلامك لوّل
.....
ياريت جت في الشاهي
والميعده ولمة أوقات عشية
وخطية الزول الباهي اللي شبحته جغمة اميه شويه
ياما خذا من عاهد وياما سمع من ود بادل وده
واليوم فينا زاهد مابينا من ود كله عدى
ويقوللي العاهد لوّل .. لا ماهو العاهد لوّل
.....
زمان قلتله صارحني
وكيف مايقولوا في الصراحة راحة
نحساب بيريحني شوي زادني عالأولات مناحه
هذا عقاب الرفقه
رفيقي مشى نص الطريق و ولّى
الرفقه خذاها صفقة
ربحها وكفانا شر من نحسنله
ويقوللي رفقنا لوّل .. لا ماهو رفقنا لوّل
.....
حتلى السلام تغيّر
بدينا انتمنوا في السلام البارد
اللي يطول بيده ايشيّر
اتجي مسايره منه وعقله شارد
ولاي لازمه الملامه
ولا ننتظر لومة أعزاز علينا
حبيبك يشد سلامه
المهم مايشمتش كاره فينا
وننسى ملامه لوّل .. وننسى سلامه لوّل
.....
شن فارقك لسربك
وشن رافقك لطير ماهو طيرك
هالدرب ماهو دربك
منين درتها بالله وين ضميرك
هذا ذهاب الشيره
يخليك ماشي للنهايه بروحك
احبال الضلال قصيره
توا اتجي نادم طلقت صروحك
تعود لسلامك لوّل .. وتعود لملامك لوّل
ــــــــ
كلمات وألحان | علي الكيلاني
النجع 2020