Top News - Ping-pong mes institucioneve. KLGJ ja kalon ILD vendimmarrjen për gjyqtaren Irena Gjoka

Описание: Këshilli i Lartë Gjyqësor vendosi të mos marrë në shqyrtim relacionin e Këshillit të Karrierës mbi vlefshmërinë e mandatit të gjyqtares së posaçme Irena Gjoka, e cila nga hetimi i thelluar i Prokurorisë së Përgjithshme rezultoi e dënuar në Greqi për përdorim vize të falsifikuar dhe që nuk e kishte deklaruar në formularin e dekriminalizimit.
Relatori dhe anëtari i KLGJ, Ridvan Hado tha se Këshilli ka për kompetencë që të shqyrtojë vetëm rastet kur papajtueshmëria me funksionin e gjyqtarëve ka lindur para emërimit të tyre. Në rastin e Irena Gjokës, tha ai, papajtueshmëria e pretenduar ka lindur pasi ajo është emëruar gjyqtare në GJKKO dhe për rrjedhojë është kompetencë e Inspektoriatit të Lartë të Drejtësisë që ta marrë në shqyrtim.
Pas kësaj vendimmarrje të KLGJ, ILD duhet të hapë procedim disiplinor dhe më pas duhet të arrijë në një konkluzion që t’i drejtohet KLGJ, ose me kërkim mase disiplinore për vërejtje publike, që është masa më e lehtë, deri tek shkarkimi, masa më rëndë, ose mund ta arkivojë procedimin disiplinor me argumentin se nuk jemi përpara kushteve që kjo gjyqtare duhet të procedohet në mënyrë disiplinore.
Verifikimi i papajtueshmërisë së statusit të gjyqtares Irena Gjoka u nis pasi Prokuroria e Përgjithshme, tha se gjyqtarja rezulton e dënuar me 3 muaj burg dhe gjobë prej 1500 eurosh nga drejtësia greke. Paralelisht me procesin administrativ, gjyqtarja Irena Gjoka përballet edhe me një hetim që SPAK ka çelur për akuzën e falsifikimit të formularit të dekriminalizimit nga ana e saj me fshehjen e dënimit në Greqi.


Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#TopNews#KLGJ#ILD