Lao Traditional Dance 2013 13 (ລາວດວງເດືອນ)

Описание: ປະຫັວດຂອງບົດຟ້ອນແລະບົດຮ້ອງລາວດວງດືອນແມ່ນທຳນອງເພງລາວເດີມ ໃນຍຸກລ້ານຊ້າງຮຸ່ງເຮືອງ (ຣັຊະການເຈົ້າໄຊຍ໌ເຊດຖາ - ທ້າຍຣັຊະການເຈົ້າສຸຣິຍະວົງສາ) ລ້ວນແຕ່ໃສ່ຊື່ ຢ່າງສະຫລຽວສະຫລາດ ໂດຍໃຊ້ຄຳວ່າ "ລາວ" ນຳໜ້າທັງມວນ ໄດ້ແກ່: ລາວດວງເດືອນ, ລາວຄຳຫອມ, ລາວແສງທຽນ, ລາວເຈົ້າຊູ້, ລາວຈະເຣີນສີ, ລາວແພນນ້ອຍ, ລາວແພນໃຫຍ່, ລາວກະແຊ, ລາວລ້ານຊ້າງ ແລະ ອື່ນໆ. ທັງໝົດນັ້ນ ລ້ວນແຕ່ມີທຳນອງແບບຊ້າໆ, ສຸຂຸມເຍືອກເຢັນ ແລະ ອ່ອນຫວານ. ທີ່ຟັງແລ້ວ ຄືລົມພັດໄຜ່ ຫຼື ດັ່ງນ້ຳໄຫລເລິກ. ໃນນັ້ນ, ມີບາງເພງກໍ່ໄດ້ປະພັນເນື້ອຮ້ອງກຳກັບ ແລະ ບາງເພງກໍ່ມີພຽງທຳນອງດົນຕຣີເທົ່ານັ້ນ.

ຈົນເຖິງຄາວທີ່ບ້ານເມືອງຕົກເປັນປະເທສະຣາຊຂອ¬ງສັກດິນາໃກ້ຄຽງ ຫລັງການເຂົ້າຈູດເຜົນນະຄອນວຽງຈັນຣາຊະທານີສີ¬ລ້ານຊ້າງ, ຄວາມອຸດົມສົມບູນຂອງສິລະປະລາວ, ເວົ້າສະເພາະກໍ່ຄືທຳນອງເພງລາວເດີມ ໄດ້ໄຫລບ່າເຂົ້າສູ່ປະເທສຜູ້ຮຸກຮານບຽດຍຶດ. ຫລາຍເອກະສານ-ໃບລານ ໄດ້ຖືກຂົນໄປຫລາຍເຫລັ້ມກວຽນ ແລະ ຖືກຈູດເຜົາ, ຜູ້ຄົນກໍ່ຖືກກວາດຕ້ອນ, ວັດຖຸມີຄ່າກໍ່ຖືກກອບໂກຍ, ສິງທີ່ເຂົາເອົາໄປໄດ້ ກໍ່ເອົາຈົນໝົດ, ສິ່ງທີ່ເອົາໄປບໍ່ໄດ້ ເຂົາກໍ່ສຸມໄຟຈູດ...

ຈົນໃນໄລຍະບໍ່ດົນມານີ້, ໄດ້ປາກົດມີການຂັບຮ້ອງເພງລາວເດີມ ໃນປະເທດພວກເຂົາ, ໂດຍໄດ້ສ້າງຫລັກຖານຂຶ້ນມາໃໝ່ ວ່າມີຜູ້ປະພັນເນື້ອຮ້ອງຂຶ້ນ ໂດຍຢືມສຳນຽງເພງລາວເດີມໄປຂັບຮ້ອງ (ສຳນຽງເພງກໍ່ໝາຍເຖິງທຳນອງເພງ) ແລ້ວອ້າງວ່າເພງລາວເດີມ ເປັນເພງທີ່ພວກເຂົາແຕ່ງຂຶ້ນ...

ຄົນລາວເຮົາຈົ່ງເຂົ້າໃຈນຳກັນວ່າ ເພງລາວເດີມ, ບັນພະບຸຣຸດເຮົາ ໄດ້ໃສ່ຊື່ "ລາວ" ນຳໜ້າໄວ້ໝົດແລ້ວ ເພາະຄວາມຮັກຊາດ ເພິ່ນຈຶ່ງເອົາຊື່ຂອງຊາດໄປຕັ້ງເປັນຊື່ເພງ, ເປັນໄປບໍ່ໄດ້ດອກທີ່ເຂົາຈະອ້າງວ່າເປັນເພງເຂ¬ົາ ເພາະມັນຟັງບໍ່ຂຶ້ນທີ່ຊາດພັນໜຶ່ງ ຈະເອົາຊື່ຂອງຊາດອື່ນໄປຍົກຍໍໃສ່ຊື່ເພງໃນວັງ¬ຫລວງໄດ້ ແບບບໍ່ຮູ້ສຶກຫຍັງ.
ນຳສະແດງໂດຍຄະນະສິນລະປະວັນນະຄະດີເຮືອນວັດທະ­ນທຳພວງຈຳປາ ເນຶ່່່ອງໃນໂອກາດໄປສະແດງທີ່ປະເທດຝຮັ່ງ.