Rëra kurative e plazhit të Darëzezës shpërngul në Fier pensionistin nga Kosova

Описание: #euronewsalbania #sezonituristike #darzeze
378 mijë e 560 pushues zgjodhën plazhin e Bregdetit të Darëzezës në Fier, në sezonin veror të vitit të kaluar.

Ky plazh tashmë i njohur për rërën e zezë kurative, edhe këtë fundjavë ka nisur frekuentimin nga pushuesit, për shkak të pastërtisë që ofron.

“Darëzeza është plazh më i bukur me rerë të shkëlqyer, kam që nga viti 64 këtu në këtë plazh. Rëra është e mirë për trupin sëmundjet deti është goxha i mirë”, thonë pushuesit.

Mes shumë njërzve të zonës, ka edhe pushues nga përtej kufinjëve. I tillë është Ibish Hasani nga Kosova. Ai vizitoi 1 dekadë më parë këtë plazh për të mos u larguar më, falë rërës kurative.

“Jam ardhur këtu para dhjetë vitesh. Kam qënë i Ha sëmurë nga reuma dhe gjeta vetveten këtu si shërimin tim por tash jam top. Edhe nuk kam mundësi të ndahem më nga Darëzeza, është shumë vend I bukur, shumë vend I pasur, njerëzit janë të mirë, Unë dhe për veten time kam kalu sikur të isha në Zvicër”, shprehet ai.

Qëndrimi prej vitesh në Darëzezë e ka shtyrë Ibishin të ndërtojë edhe një kuzhinë, një formë për të nxjerrë të ardhura gjatë stinës së verës.

“Unë pasi erdha këtu fillova dhe ndërtova nja kasolle të vogël që të rri me bashkëshorten time. Por ndër atë kohë e bëra edhe një miniguzhinë të vogël që tju shërbej familjes edhe klientëve të tjerë që vijnë si pushues në këtë vend të famshëm këtu. Pastaj mora një leje nga bashkia, mora licensën që tju shërbej  të gjithë atyre klientëve që vijnë edhe kënaqen në këtë venin e famshëm këtu”, theksoi Hasani.

Prej vitesh në pension, Ibishi e kalon kohën duke punuar dhe ideuar ambjentin përpara biznesit të vogël që ka ndërtuar.

“Zakonisht këtu bëjmë peshkun, bërxollat e mishit, fritin sallatrat makarona, këto gjëra janë sikurse gjendje familjare sikur për të gatuajmë dhe për klientët që vijnë këtu që janë të kënaqur”, sipas tij.

Bregdeti i Darëzezës është 7 km vijë bregdetare. Vec pushuesve vendas atë e frekuentojnë edhe të huajt. 21 400 pushues të huaj zgjodhën këtë plazh në vitin 2021.

Ndiqni faqen tonë zyrtare të internetit https://euronews.al/al për t’u informuar mbi lajmet kryesore nga vendi, rajoni dhe bota.

Abonohuni në kanalin tonë në YouTube: https://bit.ly/3oEW3AU
Na ndiqni në Instagram:   / euronews_al.  .
Facebook:   / euronews.al  
Twitter:   / euronewsalbania