[MV大解構] Dark 黃明德推出新歌《會議終結者》 考完DSE即變「社蓄」

Описание: 🎧聽歌：https://darkwong.lnk.to/MeetingTermin...

於今年的樂壇頒獎典禮上斬獲不少新人獎的黃明德（Dark）推出今年首支派台作品《會議終結者》。

由於去年Dark依然是學生身份，因此去年所派的歌曲都是寫他是新人及中學生涯的點滴。踏入2023年，Dark的新人年正式結束，又剛好考完DSE，因此他的首支歌曲則着重描述他讀完書畢業後投身社會所遇到的問題，Dark坦言：「我係一個好唔formal嘅人，好唔鍾意一啲好formal嘅場合、唔鍾意好拘謹嘅感覺，嗰陣時諗緊首歌嘅title時，首先聽到首歌好輕快，之後就諗到，啱啱開會出嚟覺得好悶，身邊所有同事係咪都好想玩呀？或者都唔想喺咁悶、咁裝重嘅場合，所以就有呢一首歌嘅誕生。」

至於MV方面，去年Dark所推出的四首歌曲當中，三首都是動畫MV，今次亦例外，除了保留動畫部份，Dark亦會參與拍攝，更以一身「社蓄」造型上陣，「得我一個真人，其他角色全部都係動畫，例如有我嘅boss、我三位同事，呢啲全部都係我自己創作，同埋都搵咗身邊人做reference。」整個概念以「打機」為主，「首先貼切番我呢個年紀鍾意打機，加上令到成件更加有趣，就係將《會議終結者》當係一隻game，click入去有唔同嘅遊戲，最終嘅目的就係打低個boss。」這不禁令人想到要打低自己老闆，Dark立即解構，「呢個絕對唔係come from我間公司嘅感受，哈哈。因為我都唔係喺office做嘢嘛。我開會都係講關於音樂嘅嘢，唔需要有業績表、又唔駛着晒西裝返公司，所以就揀咗喺office返工同埋返朝九晚五嘅formal嘅工作咁嘅背景。」

拍完MV後，Dark表示將會跟三位好友去畢業旅行，希望留有一個美好的回憶，不過同時他亦十分擔憂，「我喺呢度祈求真係：唔好鬧交、唔好鬧交、唔好鬧交！因為我好驚個grad trip鬧交，我僅有嘅三位朋友都冇埋啦，哈哈。亦都會有一個莊重而隆重嘅儀式，就係grad din啦，我希望可以着得靚靚仔仔，創造一個更加好嘅回憶啦。」