រកឃេីញ! ចម្រៀងមាស​ ៣បទទាក់ទងនឹង​ទឹកដីកម្ពជាក្រោម

Описание: តើលោកអ្នកនាងកញ្ញាធ្លាប់បានលឺបទមរតកចម្រៀងសម័យយុគមាសដែលបានរៀបរាប់ពីរឿងរ៉ាវ និងអនុស្សាវរីយ៍នៅលើទឹកដីកម្ពុជាក្រោមដែរឬទេ?

ថ្ងៃនេះក្រុមដំណើរខ្មែរ សូមបង្ហាញបទចម្រៀងមួយចំនួនដែលក្រុមដំណើរខ្មែរបានរកឃើញថា មានអត្ថបទ និងអត្ថរសទាក់ទងនឹងទឹកដីកម្ពុជាក្រោម ដែលសព្វថ្ងៃជាអាណាខេត្តរបស់ប្រទេសវៀតណាម រួមមានដូចជា៖

បទ ទឹកភ្នែកម្តាយ ច្រៀងដោយលោកស្រី កែវ សេដ្ឋា និពន្ធបទភ្លេងដោយ លោក ស៊ីន ស៊ីសាមុត និពន្ធទំនុកច្រៀងដោយលោក ស្វាយ សំអឿ ជាចម្រៀងដកស្រង់ចេញពីខ្សែភាពយន្តរឿង ការស្វែងរកសន្តិភាព ឆ្នាំ១៩៦៣ ដែលរៀបរាប់អំពីស្រ្តីម្នាក់នាំបុត្រារត់ចេញពីកម្ពុជាមករស់នៅរាជធានីភ្នំពេញ ដើម្បីកសាងជីវិតថ្មី។

បទ ឳ!ព្រះត្រពាំង ច្រៀងដោយលោកស្រី ហួយ មាស និពន្ធបទភ្លេងនិងទំនុកច្រៀងដោយ លោក វ៉ោយ ហូរ បទនេះចេញផ្សាយនៅក្នុងសម័យសាធារណរដ្ឋខ្មែរ រៀបរាប់អំពីវីរភាពដ៏មោះមុតរបស់នារីក្រមុំម្នាក់ចាកចេញពីកម្ពុជាក្រោមមករដ្ឋធានីភ្នំពេញ ចូលបម្រើជួរកងទ័ពរួមកម្លាំងប្រយុទ្ធនឹងកងទ័ពយៀកកុង។ បទនេះបានបាត់បង់ទៅហើយ ក្រុមដំណើរខ្មែរបានរកឃើញទំនុកច្រៀង និងរបៀបច្រៀងតែប៉ុណ្ណោះ។

-បទ ទឹកចិត្តស្រ្តីខ្មែរកម្ពុជាក្រោម ច្រៀងដោយលោកស្រី ស៊ឹម ទូច និពន្ធបទភ្លេង និងទំនុកច្រៀងដោយ លោក សេង ឌៀម ចេញផ្សាយនៅឆ្នាំ១៩៧៤ សម័យសាធារណរដ្ឋខ្មែរ។

ស្រាវជ្រាវ និងផ្សព្វផ្សាយដោយ ក្រុមដំណើរខ្មែរ
ថ្ងៃទី៣០ ខែសីហា ឆ្នាំ២០២៤