علي والأنبياء | الشاعر الأديب جابر الكاظمي
Автор: محب جابر الكاظمي
Загружено: 2024-01-24
Просмотров: 4084
Описание:
علي يالعايش بدمي ويا دم
دم اليسري بي حبك ويا دم
إنت الجنت بالجنه ويه آدم
مو آدم فقط آدم و حوه
أشكثر أسرار ضم كَلبك و حوه
أعله أبنها يا علي صاحت و حوه
أنتدبت بيك تشكي بكَلب هابيل
دهاها مصاب بي كل عقل هابيل
يوم اللي جتل قابيل هابيل
حنت و الحنين أمتزج وي نوح
يمن طرواك يجلي العلل وي نوح
إنت البسفينه جنت وي نوح
كَبل نوح إنتمالك شيث و أدريس
علي و سرك حي الأموات و أدريس
ردت أكتسب منك علم و أدريس
أبسبب يهدي الأمم علمك و صالح
اليتبعك ما بطل فكره و صالح
أبجوارك جاورك هودٍ و صالح
جوارك رفعه ما بيها خليله
اليضدك جاهل و جهله خلي أله
نبي أبراهيم للباري خليله
و يتبعه لوط و أسماعيل و أسحاق
إنمحق كل باطل بهل الرسل و أسحاق
أبجدمك دوس روس الكفر و أسحاق
أبهاذي خاطبك ربك و يعقوب
عقوبه لكل خصم سيفك و يعقوب
رحيل أبنهجك إنتهجت و يعقوب
أعتناك براحلة حبه و يوسف
اليعشكَك أبد ما يندم و يوسف
زوليخه هامت بيوسف و يوسف
هايم يا علي بمعناك و أيوب
أبوسط سجنه بهواك يروح و أيوب
يا معجزة أهل الصبر و أيوب
صبر من صبرك اليفرح و يونس
يفوز الي مشى بخطك و يونس
بمحبتك ذو الكفل هايم و يونس
محبتك حصن كل مذنب و موسى
خطر ما يوصل الصوبه و موسى
شعيب أبحبك أيجاهر و موسى
و داود و نبي سليمان و الياس
أبحبك ما دناهم جزع و الياس
يرس ريس و شذى القداح و الياس
نسيمك لو يشمى الميت يحيى
يحييك القلم و اللوح يحيى
أبسر ذاتك تكلم راس يحيى
و بسرك حيى الأموات عيسى
مشى ضعن الخليقة و سار عيسى
لعله و عسى يلحك بيك عيسى
محى جزر البحر سيرك محمد
أحمدت ربك و عد ربك محمد
النفس نفس النفس إنت و محمد
و روحه و روحك أختلقن سويه
#جابر_الكاظمي
Повторяем попытку...
Доступные форматы для скачивания:
Скачать видео
-
Информация по загрузке:
