kpa get to together

Описание: કલોલ ફોટોગ્રાફર્સ એસોસિએશન દ્વારા તારીખ 10/01/2026 ના રોજ કલોલ ખાતે સ્નેહ મિલન કાર્યક્રમનું ભવ્ય આયોજન કરવામાં આવ્યું હતું. એસોસિએશન સાથે સંકળાયેલા 350થી વધુ સભ્યો પૈકી પરિવારના નાના-મોટા સભ્યો સહીત અંદાજે 400થી વધુ વ્યક્તિઓની ઉપસ્થિતિ સાથે આ કાર્યક્રમ ઉત્સાહભેર અને આનંદમય વાતાવરણમાં ઉજવાયો હતો.

કાર્યક્રમ દરમિયાન વિવિધ રમત-ગમત, સંગીતમય હાઉસી સહિતના મનોરંજનાત્મક કાર્યક્રમો યોજાયા, જેમાં હાજર તમામ સભ્યો અને તેમના પરિવારજનોએ ઉત્સાહપૂર્વક ભાગ લીધો અને પ્રસંગને યાદગાર બનાવ્યો. કાર્યક્રમ દરમિયાન રૂ. 1 લાખથી વધુની રકમના ઇનામો વિતરણ કરવામાં આવ્યા, જેનાથી સૌમાં વિશેષ ઉત્સાહ જોવા મળ્યો.

આ કાર્યક્રમને સફળ બનાવવા માટે અમદાવાદ, ગાંધીનગર, સાણંદ અને મહેસાણા વિસ્તારના માનનીય વેપારીઓનો મહત્વપૂર્ણ સહયોગ પ્રાપ્ત થયો હતો. ઉપરાંત PAG, KPNP, AEVP, VPAG તથા CGPTIA જેવી સંસ્થાઓ, જે ફોટોગ્રાફર મિત્રો ના વ્યાવસાયિક અને સર્વાંગી ઉત્થાન માટે સતત કાર્યરત છે, તેમના માર્ગદર્શન અને સહકારથી કાર્યક્રમ વધુ સુવ્યવસ્થિત રીતે સંપન્ન થયો.

કાર્યક્રમના અંતે, એક ફોટોગ્રાફર મિત્રના સહયોગથી તમામ હાજર સભ્યો અને તેમના પરિવારજનો માટે સુરુચિપૂર્ણ ભોજન વ્યવસ્થા કરવામાં આવી હતી. સમગ્ર કાર્યક્રમ દરમિયાન એવું અનુભવાયું કે જાણે એક વિશાળ પારિવારિક સમારોહ ઉજવાઈ રહ્યો હોય.

કલોલ ફોટોગ્રાફર્સ એસોસિએશન દ્વારા આયોજિત આ સ્નેહ મિલન કાર્યક્રમે સભ્યો વચ્ચે એકતા, સ્નેહ અને સહકારની ભાવનાને વધુ મજબૂત બનાવી, જે સંસ્થાના ભવિષ્યના વિકાસ માટે પ્રેરણારૂપ સાબિત થયો.