Tv Klan - Berisha: 2025, viti që shqiptarët nuk e meritonin

Описание: Në urimin e tij në vigjilje të Vitit të Ri 2026, kryetari i Partisë Demokratike, Sali Berisha, e konsideroi vitin që lamë pas si një nga më të vështirët për shqiptarët.

“Viti 2025 ishte një vit që shqiptarët kurrë nuk e meritonin. Ky vit i gjen ata qytetarët më të keqpaguar në Europë. Qytetarët me tavolinat më të pakta, sepse blejnë me çmimet më të shtrenjta, me rroga më të ulëta, me pensionet më të ulëta”, u shpreh Berisha.

Mes akuzave ndaj qeverisë, nuk la pa përmendur zgjedhjet e 11 majit.

“Viti 2025 ishte viti i agonisë së plotë të demokracisë shqiptare. Narkodiktatori, duke përdorur të gjitha mjetet dhe potencialet e një shteti, rrëmbeu votën e shqiptarëve dhe ndërtoi mazhorancën e krimit”, tha Berisha.

2025-ën e konsideroi si vitin e vjedhjeve të mëdha.

“Në fakt, viti 2025 do të mbahet mend edhe si viti i zbulimit të vjedhjeve më të mëdha në historinë kombëtare të shqiptarëve nga Edi Rama, Lubi Balluku, familja Rama, Erjon Veliaj, drejtorët e tij në ministri, në bashki, zyrtarë në tërësi”, u shpreh ai.

Pavarësisht kësaj situate, kreu i demokratëve u shpreh se opozita arriti edhe sukseset e saj.

“Por ishte edhe viti në të cilin opozita shqiptare ia doli të gozhdojë para komunitetit ndërkombëtar Edi Ramën si armik i egër i pluralizmit. Në 7 rezoluta denoncohet shtypja e pluralizmit nga institucionet e narkoshtetit”, tha kryedemokrati.

Në 2026-ën, thotë se shqiptarët do të bashkohen në rrëzimin e qeverisë.

“2026 është viti i shpresës së madhe, për Shqipërinë dhe shqiptarët. Është viti në të cilin ata do të bashkohen si kurrë më parë për t’i bërë funeralin organizatës kriminale që quhet Rilindja dhe kryesohet nga Edi Rama”, deklaroi kreu i PD-së.

Sipas Berishës, shqiptarët do të bashkohen për të shpëtuar demokracinë shqiptare dhe rikthimin e votës së lirë.


SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/