ចម្រៀងពុទ្ធស្ថានទី៤ ៖ សត្តមហាឋាន - បទ ៖ លក់ផ្សារ - យីកេ | យ៉ាន់ បូរិន្ទ និង នេត លីអេង

Описание: ចម្រៀងពុទ្ធស្ថាន ទី៤ ចំណងជើង ៖ សត្តមហាឋាន

បទ ៖ លក់ផ្សារ , ទម្រង់ ៖ យីកេ , សំនៀងដើម ៖ យ៉ាន់ បូរិន្ទ និង នេត លីអេង

សូមថ្វាយបង្គំសត្តមហាឋាន មហាឋាន ដែលទ្រង់ធ្លាប់បានគង់អាស្រ័យនៅ សោយវិមុត្តិសុខ ចិត្តឥតហ្មងសៅ សុខស្ងប់ពេកកូវ ប្រាំពីរសប្តាហ៍ ។

បន្ទរ ៖ ហាអឺ អឺៗ អឺងអឺ អឺងអឺយ ប្រាំពីរហាអឺយសប្តាហ៍ ។

សប្តាហ៍ទីមួយ រតនបល្ល័ង្ក បល្ល័ង្ក ព្រះពុទ្ធទ្រង់តាំងសមាធិណា សប្តាហ៍ទីពីរ អង្គព្រះសាស្តា មិនធ្មេចនេត្រា ទ្រង់ឈរសម្លឹង ។

បន្ទរ ៖ ហាអឺ អឺៗ អឺងអឺ អឺងអឺយ ទ្រង់ឈរហាអឺយសម្លឹង ។

សប្តាហ៍ទីបី រតនចង្ក្រម ចង្ក្រម ស្ថានទីឧត្តមដែលទ្រង់រំពឹង សោយវិមុត្តិសុខកិលេសសូន្យឈឹង ហឫទ័យសញ្ជឹង នឹកដល់ពោធិញាណ ។

បន្ទរ ៖ ហាអឺ អឺៗ អឺងអឺ អឺងអឺយ នឹកអឺដល់ ពោធិញាណ ។

សប្តាហ៍ទីបួន រតនឃរ: ឃរ: ព្រះពុទ្ធគង់ជាក់ ព្រះទ័យក្លាហាន រំពឹងអភិធម្មដោយប្រាជ្ញាមាន ស្ថានទីនេះបានឈ្មោះផ្ទះកែវកាក់ ។

បន្ទរ ៖ ហាអឺ អឺៗ អឺងអឺ អឺងអឺយ ឈ្មោះផ្ទះហាអឺយកែវកាក់ ។

សប្តាហ៍ទីប្រាំ អជបាលនិគ្រោធ និគ្រោធ ទ្រង់គង់រហូតប្រាំពីរឱ! ថ្ងៃជាក់ សប្តាហ៍ទីប្រាំមួយ មុចលិន្ទៈ រាជយតនៈ សប្តាហ៍ទីប្រាំពីរ ។

បន្ទរ ៖ ហាអឺ អឺៗ អឺងអឺ អឺងអឺយ សប្តាហ៍ ទីប្រាំពីរ ។

សត្តមហាឋានប្រាំពីរកន្លែង កន្លែង យើងឃើញជាក់ស្តែង អស់គ្រប់ស្ថានទី ក្រាបថ្វាយបង្គំ ដួងចិត្តសម្ភី នឹកគុណព្រះមុនី បរមសាស្តា ។

បន្ទរ ៖ ហាអឺ អឺៗ អឺងអឺ អឺងអឺយ បរម អឺយសាស្ដា ។

សូមបុណ្យកុសល ផលានិសង្ស និសង្ស លំអុតឱនអង្គ ទាំងកាយវាចា សូមជានិស្ស័យឆ្លងវដ្តសង្សារ ផុតចាកទុក្ខា រៀងរហូតអឺយ ៕

បន្ទរ ៖ ហាអឺ អឺៗ អឺងអឺ អឺងអឺយ រៀងអឺរហូតអឺយ ។

‪@choengsenghong‬

#senghongchoeng
#ចម្រៀងយីកេ
#khmer_traditional_song