Pula fshati rrugëve të qytetit, asnjë kontroll në tregjet e improvizuara të gjësë së gjallë në Lezhë

Описание: #oranews #pulat #shitjaepulave #gripishpendeve

Ndalimi i tregtimit të pulave ishte një prej masave të reklamuara nga Ministria e Bujqësisë me qëllim parandalimin e përhapjes së gripit të shpendëve. Mirëpo, pulat vijojnë të tregtohen rrugëve të qyteteve.

Përhapja e gripit të shpendëve nuk i ka shqetësuar tregtarët dhe institucionet në Lezhë.

Shitja e pulave të gjalla dhe vezëve vijon normalisht.

Në tregun e improvizuar të gjësë së gjallë dhe produkteve të tjera bujqësore mungojnë kontrollet e AKU apo sektorit të veterinarisë.

Tregtarët thonë se vetëm janë këshilluar përmes telefonit mos lëvizin shpendët për shkak të përhapjes së sëmundjes. "Për kontrollet vetëm na kanë telefonuar. Vetëm kur i telefonojmë ne për ndonjë gjë por nuk dalin për kontroll pasi këtu është një zonë ku duhen vaksinuar pulat çdo vit."

"Nuk na ka thënë njeri. I kemi tonat."

Blerjet e pulave dhe vezëve kanë rënë.

Konsumatorët thonë se kanë kufizuar këto produkte për shkak të frikës.

"Frika është, zonat malore kanë më shumë siguri. Ka veterinerë por nuk kanë dalë nëpër zona."

"Nuk është siklet i madh, por është sëmundje dhe ka kufizuar blerjet."

Gripi i shpendëve deri më tani është konfirmuar tek pelikanët në Prespë dhe disa pulari në Durrës, ku teksa vijon groposja e pulave të ngordhura është vendosur edhe asgjësimi I të gjitha shpendëve të infektuara.

Për më shumë lexoni në: https://www.oranews.tv/vendi/pula-fsh...

Follow Televizionin Ora News

Website: www.oranews.tv

Youtube http://bit.ly/2DDddtL

Facebook: http://bit.ly/2RkUN4s

Instagram   / oranewstv  

Twitter   / oranewsrtv