الله يهين الي يهين ابن عمه || كلمات محمد مهدي مهذل الصقور رحمه الله || محسن ال مطارد

Описание: جديد شيلة : آبن عمك {الله يهين الي يهين آبن عمهّ}

أداء المنشد : محسن آل مطارد

كلمات الشاعر : محمد مهدي مهذل الصقور اليامي (الله يرحمه)

_____________________________________________________
⚠️ تحذير ⚠️
هذه الشيلة حقوقها محفوظه وخاصة بقناة
المنشد : محسن ال مطارد
ونسخك للمحتوى واعادة تنزيله
يعرض قناتك للانذار من قبل اليوتيوب !
_____________________________________________________

الكلمات :
دمعي كما عدٍ تصافق بجمه
يروي الضمان اللي حدته السمايم
الله يهين اللي يهين ابن عمه
جعله على الدنيا حسير القوايم
يقعد مكانه لين يطويه همه
عزه يطيح ومستواه يتلايم
جعل الردي تبكي على فقده امه
لولاه ما لحق القبيله هضايم
وان عاهدك خانك ولا فيه ذمه
وعند العرب كنه مصلي وصايم
قصده يفرق شملنا ما يلمه
وفرقا القبيله من كبار الجرايم
من عاف جمعا لابته شاف غمه
لا بد ماتكثر عليه الهزايم
حيث انهم عند الظروف المهمه
ربعك ذراك ولابتك لك دعايم
يرمون خطوى عايلٍ فيه زمه
تومي عليه الجايعات الحوايم
من غير ابن عمك همومك تهمه
تعتز باسمه يوم فعله ملايم
من غير ابن عمك يفادي بدمه
واصدق صديقٍ لك من الناس نايم
من صلب جدك وارض جدك تضمه
مالك سواة وماله الا انت دايم
وان عمك المكروه لازم يعمه
وان قام عزه فانت بالعز قايم
يلقاك بالترحيب لاجيت يمه
ويساندك وقت الرضا والخصايم
هذا الذي لاتستمع فيه نمه
دامك معه فابشر بقو العزايم
ارفع مقامه وامدحه لاتذمه
ينفعك لا ضامك من الوقت ضايم
واختر مكان العز في كل قمه
وخل البيوت الواطيه للبهايم
واختامها صلوا على سيد الامه
اعداد ماتذري هبوب النسايم
-----------------------