Masallıda güləş üzrə açıq rayon birinciliyi 26.05.2023

Описание: 26 may 2023-cü il tarixdə Masallı rayon Gənclər və İdman İdarəsinin təşkilatçılığı ilə “Heydər Əliyev İli” çərçivəsində “Müstəqillik Günü” münasibəti ilə uşaqlar, yeniyetmə və gənclər arasında sərbəst güləş və yunan-Roma güləşi üzrə açıq rayon birinciliyinə yekun vuruldu.
Mükafatlandırılma mərasimində Masallı rayon Gənclər və İdman İdarəsinin rəisi Sabiq Cahangirov, Uşaq-Gənclər, İdman-Şahmat məktəbinin direktoru Əlifağa Yaqubov, Dini Qrumlarla İş üzrə Dövlət Komitəsinin Masallı bölgəsi üzrə şöbəsinin müdiri Elvin Hüseynli , “Masallı Electronic”in rəhbəri Ruslan Bağışov , sahibkar Elburus Bağışov, Azərbaycanın “Azərbaycan Respublikasının Fəxri Bədən Tərbiyəsi və İdman İşçisi” Qurbanəli İsayev,əməkdar məşqiçi Ədalət Ağayev, çimərlik güləşi üzrə dünya və Avropa çempionu Zəfər Əliyev və başqaları iştrak edib.
Mükafatlandırılma mərasimində Masallı rayon Gənclər və İdman İdarəsinin rəisi Sabiq Cahangirov çıxış edərək yarışın keçirilməsində əsas məqsəd “Heydər Əliyev İli” çərçivəsində silsilə tədbirlərin keçirilməsi və 28 may Müstəqillik gününü qeyd etmək, rayonda güləş idman növünün kütləviliyinə nail olmaq, perspektivli idmançıları müəyyən etmək olduğunu bildirərək idmançıları təbrik etmiş və onlar uğurlar arzulamışdır.
Dah sonra tədbirin keçirilməsində göstərdiyi dəstəyə görə Elburus Bağışov Masallı rayon Gənclər və İdman İdarəsinin rəisi Sabiq Cahangirov tərəfindən təşəkkürnamə və hədiyyə ilə mükafatlandırıldı.
Qeyd edək ki, birincilikdə 11 çəki dərəcəsi üzrə 100 nəfərə yaxın idmançı iştirak edib. Yarış Dünya Güləş Birliyinin qaydalarına uyğun olaraq keçirilib. Gərgin və maraqlı idman mübarizəsi şəraitində keçən yarışın sonunda qalib gəlmiş idmançılar Təşkilat Komitəsi tərəfindən müvafiq diplom, medal və sponsor tərəfindən pul mükafatı ilə mükafatlandırılıb.