სადავო ტერიტორია ბათუმში რას აპროტესტებს ადგილობრივი მოსახლეობა

Описание: ახალ ბულვართან მცხოვრები ოჯახები ზღვასთან დამაკავშირებელი გზის გაყიდვას აპროტესტებენ. ადგილობრივები ამტკიცებენ, რომ სანაპიროსთან მისასვლელი ერთადერთი გზა, რომლითაც 240-ზე მეტი ოჯახი სარგებლობს აჭარის ფინანსთა და ეკონომიკის სამინისტრომ მიმდებარე ტერიტორიასთან ერთად ინვესტორზე გაასხვისა, რომელსაც გზის დატოვების ვალდებულება არა აქვს.
ადგილობრივები ამბობენ, რომ კაჩინსკების ქუჩაზე გასასვლელი გზის ჩაკეტვა არა მარტო ტურისტული, არამედ სოციალურ პრობლემებსაც შექმნის.
მოსახლეობა ამტკიცებს, რომ პრობლემური გზის თაობაზე აჭარაში თითქმის ყველა ინსტანციას მიმართეს, თუმცა კონკრეტული პასუხი დღემდე ვერ მიიღეს. გზის სადაო ნაწილი მიმდებარე ტერიტორიასთან ერთად რამდენიმე დღის წინ აუქციონზე გაიყიდა. გამარჯვებული კომპანია ტერიტორიაზე 20 მილიონი დოლარის ინვესტიციას განახორციელებს და 200 ნომრიან სასტუმროს ააშენებს. ბათუმის მერიასა და ეკონომიკის სამინისტროში აცხადებს, რომ საკითხით პირადად არიან დაინტერესებულები და სავალი გზის თაობაზე ინვესტორთან მოლაპარაკებებს გეგმავს.
რეკრეაციულ ზონაში მშენებლობას აპროტესტებენ ჯავახიშვილის ქუჩის მცხოვრებლებიც. სკვერის შენარჩუნების მოტხოვნით ადგილობრივებმა დღეს აქციაც გამარტეს. აჭარის ეკონომიკის სამინისტროს ინფორმაციით მწვანე ზოლს სკვერის სტატუსი არ აქვს და მის გასხვისებას კანონი არ კრძალავს.
ბათუმის მოსახლეობის ნაწილი ადგილობრივი ხელისუფლებისგან მეტ კომუნიკაციას და ახსნა-განმარტებებს ითხოვს, წინააღმდეგ შემთხვევაში ქალაქისთის მნიშვნელოვანი ორი მსხვილი ინვესტიციის მშენებლობა შესაძლოა შეფერხდეს.l