Skandal me karburantin: 180 pika në Shqipëri abuzojnë me cilësinë e naftës-(9 Dhjetor 2011)

Описание: Lajme Arkiva 2011

Të paktën 180 pika të tregtimit të karburantit në Shqipëri abuzojnë me cilësinë e naftës, duke dëmtuar në mënyrë të drejtpërdrejtë të ardhurat e qytetarëve shqiptarëdhe shëndetin e tyre. Cilësia është jashtë standardeve dhe skandali është zbuluar nga Inspektorati Qendror Teknik përmes kontrolleve të ushtruara gjatë këtij viti.
Ardian Alushi: “Kemi marrë 6 mijë mostra në të gjithë tregun duke analizuar të gjithë importimet me shumicë ashtu edhe me pakicë. Në rast të devijimit të standardit ne kemi kapur dyshime në përqindjen e squfurit. Në raste të veçanta sasia e squfurit në këto lëviz nga 10 bpm qëështë sot me ligj, lëviz në 12, po them 60-70 bpm dhe 80 bpm. “
Në pjesën më të madhe abuzimet janë konstatuar në pika periferike të tregtimit të karburanteve. Autoritetet sqarojnë se abuzimi kryhet nga vetë tregtarët pasi nafta dhe benzina e importuar plotëson kriteret e vendosura, fakt ky që konfirmohet edhe nga vetë shoqata e hidrokarbureve.
Luigj Aliaj: “Shqetësimi është i drejtë, ka stacione karburanti që edhe abuzojnë me cilësinë. Nuk dua të përgjithësoj që karburanti ka një cilësi të keqe, por duhet të jetë kurajo dhe të tregohen me emër dhe me pamje ato stacione karburanti të cilat tregtojnë dhe prishin standartin e tregtimit. Duhet të garantojmë të gjithë konsumatorët se pjesa dërrmuese e karburantit që tregtohet në tregun tonë plotëson të gjitha standardet e Bashkimit Evropian, dhe është po ai karburant që tregtohet në të gjithë vendet e Evropës Veriore.”
Mbi 200 gjoba janë vendosur nga Inspektorati Qendror Teknik dhe 15 subjekteve u është hequr licenca e ushtrimit të aktivitetit. Por fenomeni duket se nuk ka të ndalur. Qytetarët që përdorin automjetet përballen çdo ditë me probleme që u shkakton makinave të tyre nafta dhe benzina me cilësi të dobët.
Erion Hoxha: “Pothuajse përditë që vijnë. Si nga nafta, si nga benzina, nga të dyja. Nafta e keqe shkakton probleme në pompën e naftës, nëinjator , dy. Do të thotë që nuk punon makina, prishet.”
Por abuzimet me cilësinë nuk dëmton vetëm xhepat e qytetarëve. Ky fenomen ka një ndikim të drejtpërdrejtë negativ, edhe në ndotjen e ajrit. Agron Deliu, eksperti i monitorimit të ajrit në Institutin e Shëndetit Publik, thotë se sasia e squfurit dhe të tjerë kimikateve që çlirohen nga djegia e karburanteve nga automjetet, është në nivele tepër të larta ç’ka përbën një rrezik serioz për shëndetit.
Agron Deliu: “Na rezulton që kemi përmbajtje të larta të blozës, si dhe përmbajtje të konsiderueshme të dioksidit të azotit dhe të benzenit. Të gjitha këto që ju thashë janë të lidhura me shkarkimet nga makinat dhe faktorët kryesorë që ndikojnë në këto shkarkime ku në Tiranë dhe në qytetet kryesore përmbajtja e pm 2.5-ës nga matjet e fundit tejkalon në masën rreth 2-2.5 herë koncentrimet e lejuara në vendet e BE-së, lidhet në radhë të parë me cilësinë e karburanteve dhe nga cilësia e punës së motorëve të makinave.”
Por pavarësisht masavae të arra, abuzimi me cilësinë e karburanteve vazhdon të jetë një prej problematikave më shqetësuese me të cilën përballen çdo ditë qytetarët. /tvklan.al

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/