Top News - Qindra dronë ukrainas mbi Moskë / ‘Kremlini në shënjestër, mbrojtja ajrore ‘në aksion’

Описание: Njësitë ruse të mbrojtjes ajrore kanë rrëzuar 65 dronë ukrainas të drejtuar për në Moskë gjatë të shtunës, tha kryebashkiaku Sergei Sobyanin. Ky i fundit, duke shkruar në Telegram, tha se dronët u rrëzuan gjatë një periudhe 11-orëshe duke filluar që nga mesdita. Ekipet po shqyrtojnë fragmentet në vendet ku dronët ranë.
Guvernatori i rajonit të Bryanskut në kufirin ukrainas, Alexander Bogomaz, tha në Telegram se njësitë në rajonin e tij kishin rrëzuar 128 dronë. Ai nuk dha një afat kohor. Forcat ukrainase më herët këtë javë thanë se kishin goditur një uzinë kyçe që prodhonte komponentë raketash në rajonin e Bryanskut. Bogomaz tha se shtatë persona vdiqën në atë sulm, pa thënë se çfarë u godit. Sipas raportit më të fundit të lëshuar nga Ministria Ruse e Mbrojtjes, njësitë e mbrojtjes ajrore kanë kapur 280 dronë ukrainas të shtunën në pjesë të ndryshme të Rusisë qendrore dhe perëndimore gjatë një periudhe 10-orëshe që përfundoi në orën 9 të mbrëmjes.
Thuhet se 47 dronë që kishin në shënjestër Moskën ishin midis atyre të rrëzuara.
Një zjarr shpërtheu ndërkohë në një objekt nafte në rajonin e Krasnodarit në Rusi të dielën, pasi mbetjet e një droni të rrëzuar ranë mbi të, thanë autoritetet ruse. Sipas raporteve paraprake, nuk pati viktima. Objekti i dëmtuar i naftës ndodhet pranë Tikhoretskut, ku dronët ukrainas goditën një stacion pompimi nafte të enjten. Zjarri u shua të premten. Autoritetet nuk sqaruan nëse bëhej fjalë për të njëjtin objekt. Qendra e Tikhoretskut është një nga pikat më të mëdha të naftës në Rusinë jugore dhe është e vetmja rrugë furnizimi për produktet e naftës në portin kyç të Detit të Zi, Novorossiysk. Sulmi ishte më i fundit në një seri sulmesh me dronë mbi infrastrukturën energjetike dhe portuale të rajonit.

Pamje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#TopNews#Dronet#Moske