សាលារៀនសុវណ្ណភូមិសាខាខេត្តកំពង់ធំចាប់បើកដំណើរការឆ្នាំសិក្សា២០២២-២០២៣នេះហើយ

Описание: សាលារៀនសុវណ្ណភូមិសាខាខេត្តកំពង់ធំចាប់បើកដំណើរការឆ្នាំសិក្សា២០២២-២០២៣នេះហើយ https://kampongthominfo.com/archives/19384
-http://kampongthominfo.com/
-   / @kampongthominfo3783  
-https://web.facebook.com/kampongthominform...
-https://www.phoeun.com/user/kampongthomtv/
https://web.facebook.com/kampongthominform...
ទូរទស្សន៍ជាតិ ខេត្តកំពង់ធំ, KAMPONGTHOMINFO

(កំពង់ធំ)៖ថ្ងៃទី២៤ ខែ ធ្នូ ឆ្នាំ ២០២២ សាលារៀនសុវណ្ណភូមិសាខាខេត្តកំពង់ធំចាប់បើកដំណើរការឆ្នាំសិក្សា២០២២-២០២៣ ក្រោមវត្តមានលោក ឃឹម ផុន ជាប្រធាននាយកប្រតិបត្តិសាលារៀនសុវណ្ណភូមិ ដោយមានការចូលរួមពីលោកគ្រូអ្នកគ្រូជាបុគ្គលិកសុវណ្ណភូមិជាច្រើនផងដែរ ។

លោក ឃឹម ផុន បានបញ្ជាក់ថាសាលារៀនសុវណ្ណភូមិគឺជាស្ថាប័នអប់រំឈានមុខគេនៅកម្ពុជាហើយសាខាខេត្តកំពង់ធំជាសាខាទី៣៤ ចាប់បើកដំណើរការឆ្នាំសិក្សា២០២២-២០២៣ដែលមានទីតាំងតាមផ្លូវជាតិលេខ៦ ភូមិកំពង់ធំ សង្កាត់កំពង់រទេះ ក្រុងស្ទឹងសែន ខេត្តកំពង់ធំ ។

លោកបានបញ្ជាក់ថាដើម្បីអបអរសារទការដាក់ឱ្យប្រើប្រាស់ដំណើរការទីតាំងថ្មីរបស់យើងនេះសាលារៀនសុវណ្ណភូមិ ក្នុង ក្រុងស្ទឹងសែន យើងមានការផ្ដល់ជូនការបញ្ចុះតម្លៃពិសេស មានន័យថាផ្ដល់ជូនការសិក្សា ៦ ខែ ឥតគិតថ្លៃ ជូនទៅដល់សិស្សក៏ដូចជាអាណាព្យាបាលសិស្សទាំងអស់ ដែលមានកូនត្រូវដល់អាយុសិក្សា ទាំងកម្មវិធីខ្មែរ និងកម្មវិធីភាសាអង់គ្លេស ។ ហើយភាពរឹងមាំ ក៏ដូចជាបទពិសោធសម្រាប់សុវណ្ណភូមិ គឺយើងមានគ្រប់គ្រាន់ក្នុងការផ្ដល់សេវាអប់រំជូនដល់សាធារណជន ធ្វើយ៉ាងណាឱ្យសិស្សានុសិស្សទាំងអស់ ដែលគាត់សម្រេចចិត្តមករៀននៅសុវណ្ណភូមិ ពេលគាត់ចប់ថ្នាក់ទី១២ ក៏ដោយ ពេលគាត់ចប់ភូមិសិក្សានីមួយៗ គាត់អាចមានសមត្ថភាពគ្រប់គ្រាន់ក្នុងការបន្តការសិក្សារបស់គាត់ទៅថ្នាក់បន្តបន្ទាប់ទៀត អាចថាបញ្ចប់ថ្នាក់ទី ១២ គាត់អាចបន្តការសិក្សាទៅថ្នាក់ឧត្ដមសិក្សា ទៅតាមសាកលវិទ្យាល័យដែលគាត់ចាប់អារម្មណ៍ ហើយការដែលលោកពូអ្នកមីងចំណាយជាថវិកា ឬចំណាយជាទ្រព្យធន អីផ្សេងៗ សម្រាប់ការចូលរួមអប់រំជាមួយកូន សុវណ្ណភូមិនឹងព្យាយាមយ៉ាងណាធ្វើឱ្យអ្វីដែលលោកពូអ្នកមីងបានចំណាយ ក៏ដូចជាបានចូលរួមជាមួយសុវណ្ណភូមិ សុវណ្ណភូមិនឹងធ្វើឱ្យកូនរបស់លោកពូអ្នកមីងអាចសម្រេចនូវគោលបំណងរបស់គាត់ ។

ទាំងអស់ហ្នឹង យើងបានកំណត់នៅក្នុងផែនការយុទ្ធសាស្ត្រ ក៏ដូចជាចក្ខុវិស័យរបស់សុវណ្ណភូមិយើងហើយ ។

លោក សូមថ្លែងអំណរគុណអាណាព្យាបាលសិស្សទាំងអស់ដែលតែងតែគាំទ្រនិងផ្ដល់ទំនុកចិត្តចំពោះសាលារៀនសុវណ្ណភូមិ ទាំងនៅកំពង់ធំក្ដី ទាំងនៅកំពង់ឆ្នាំង ក៏ដូចជានៅបណ្ដាសាខាទាំងអស់ នៅតាមរាជធានី-ខេត្ត ដែលតែងតែគាំទ្រ និងផ្ដល់ទំនុកចិត្តចំពោះសាលារៀនសុវណ្ណភូមិរបស់យើង ។