Klan News- "Zvërneci"/ Protestë në Tiranë, Shkodër, Korçë e Elbasan

Описание: Po mbahet protesta e radhës qytetare kundër investimeve në Zvërnec sot në 6 qershor. Mijëra qytetarë, me flamuj dhe pankarta në duar kanë mbushur Bulevardin “Dëshmorët e Kombit” në kryeqytet.

Edhe sot, qytetarët po mbajnë në duar pankarta të ndryshme të tilla si “Kur rinia çohet, qeveria rrëzohet”, “Rama në burg, Berisha në burg“, Është koha për dorëheqje”, “Shqipëria nuk është në shitje” etj.
Protestuesit po përsërisin kërkesat e tyre, teksa ata kanë kërkuar dorëheqjen e qeverisë. Po ashtu, qytetarët kanë thënë se nuk pranojnë parti politike në këtë protestë. Protestuesit e konsiderojnë këtë protestë si një revolucion.

Ndërkohë protestë po zhvillohet edhe në Shkodër. Protestuesit mbajnë pankarta të ndryshme në duar, ku sipas pamjeve të siguruara nga gazetarja e Klan News, Emi Kalaja vihet re prani e madhe e fëmijëve në protestë.
Protesta po zhvillohen edhe në Korçë dhe Elbasan. Në pamjet e siguruara nga gazetarja e Klan News në Korçë, Daniela Zisi shihen që qytetarët janë mledhur në qendër të qytetit për të protestuar. Protestuesit mbajnë pankarta të ndryshme dhe flamuj shqiptar.

Edhe në Elbasan ka prani të konsiderueshme njerëzish që kanë dalë në protestë. Në videot e sjella nga gazetari i Klan News, Fatos Salliu duken njerëzit me flamuj të shumtë shqiptar dhe që mbajnë fjalime.
Kjo është protesta e 7 që mbahet në Tiranë, ndërsa protesta janë zhvilluar edhe në qytete të tjera të Shqipërisë.

Sot paradite është zhvilluar edhe një protestë në Zvërnec ku qytetarë të shumtë janë mbledhur për të kërkuar anulimin e projektit. Protesta në Zvërnec zgjati disa orë ku nuk u raportuan tensione apo problematika.
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook:   / klannews  
Follow @klannews on Instagram:   / tvklannews  
#KlanNews #KlanNewsLajme #TvKlan