თევზი, ცხოვრება, წაწალი

Описание: "ვაჟკაცის ხელით ნათალი, სიტყვა დღესავით მართალი,
კალმახს ვერა სჯობს სათალი, როგორც კაი სექსს წაწალი!"

ნოდარ მიქელაძე


...ნეტა, ერთი წუთით დამაბრუნებინა ის დრო, ბედნიერი ჯეელობა, ქვირითიანი კალმახი, მკერდსავსე წაწალი...

აბა მითხარ, რაღა ეხლა გამახსენდი
არც ალავერდს გადავსულვარ არავისთან
ნახევარი საუკუნეც გაირინდა
მე კი ვდგავარ ისევ ისე ქარაფებთან

შენს თავსაფარს ისევ ასდის თევზის სუნი
ისევ ისე შენზე ფიქრი, დარდი მძალავს
გახსოვს ბოლოს რომ ეძებდი, მე მოგპარე
და სათუთად განჯინაში დღემდე ვმალავ

მახსენდება ბედნიერი ჯეელობა
მდინარეზე დასაშვები მრუდე ფერდი
მენატრება სველი თევზის ხელით ჭერა,
შემალული ვნებით სავსე შენი მკერდი.

კაცის გულს დარდი გატეხავს, თევზის ჭერას კი ავდარი,
ვეღარც ვასწორებ, გაძეკეს, ეს ბალნისფერი ნაბადი.
ბევრი წოლილა ნაბადზე, ბევრ ბოზი, ზოგიც წაწალი,
ვეღარ ვიბრუნებ იმ დროსა მე უბედური, საწყალი.

ავყვები კლდოვან ბილიკებს ფიქრებში, მოგონებაში,
ქალი კი მაინც მინდება ამ ბებერ-მხცოვანობაში.

მოთქვირებულ ქარფებს უმალ ზვინად დავდგამ
ტუკად შევკრავ, თუ დამაცლის ბედისწერა
ვერასოდეს დავივიწყებ მე ჩემს წაწალს
არც ჩემს კალამს მობეზრდება ლექსის წერა.

ტუკებს შევკრავ სტროფებად და ტაეპებად
შებოლილ თევზს ვერასოდეს შევეჩვევი
რა სჯობია, როცა უძღვნი "ცოცხალს" წაწალს
თუ ვიპოვე, ვეღარასდროს შეველევი!

პეშვით შევსვამ უკვდავების წყაროს მთისას
ისევ ბორგვა მირჩევნია ველურ თევზის
ჩავუჭყლიტავ ვნებით სავსე მკერდს ჩემს წაწალს
მყარად მჯერა შემდგომ სულის უკვდავების!

ესაა ჩემი სიმდიდრე, ჩემი ოქრო და ვერცხლი
დროდადრო თვალს მჭრის, ლაპლაპებს,
როგორც იმ თევზის ქერცლი.

"...თევზი, ცხოვრება, წაწალი..."
მინდია წოწკოლაური
გომეწარი 2014

საქართველოს კეთილსიტყვიერების აკადემია
სკა - 2014