ဗန်းမော်မြို့ ကို အပြီးသတ်သိမ်းဖို့ KIA နဲ့ ပူးပေါင်းတပ် ထိုးစစ်အရှိန်မြှင့် | People's Spring
Автор: People's Spring
Загружено: 2025-05-27
Просмотров: 4355
Описание:
ဗန်းမော်မြို့ ကို အပြီးသတ်သိမ်းဖို့ KIA နဲ့ ပူးပေါင်းတပ် ထိုးစစ်အရှိန်မြှင့်
မေ -၂၇ ၊၂၀၂၅ /People's Spring
ကချင်ပြည်နယ်ရဲ့ ဒုတိယမြို့တော် ဗန်းမော်မြို့ကို အပြီးသတ်သိမ်းပိုက်နိုင်ဖို့အတွက် ကချင်လွတ်လပ်ရေးတပ်မတော်(KIA)နဲ့ မဟာမိတ်ပူးပေါင်းတပ်တွေ ဒီနေ့ (မေလ ၂၇ ရက်)မှာ ထိုးစစ်အရှိန်မြှင့်တင် တိုက်ခိုက်နေတယ်လို့ ကချင်သတင်းရင်းမြစ်အချို့က ပြောပါတယ်။
ဗန်းမော်မြို့ကို သိမ်းဖို့အတွက် KIAနဲ့ ပူးပေါင်းတပ်ဟာ ပြီးခဲ့တဲ့ နှစ် ဒီဇင်ဘာလ ၄ ရက်က စတင်တိုက်ခိုက်တာဖြစ်ပြီး တိုက်ပွဲကာလဟာ ၆ လခန့်ကြာမြင့်လာပါပြီ။
တိုက်ပွဲကာလ ၆လပြည့်ဖို့ တပတ်ခန့်အလို ဒီနေ့ မနက်ပိုင်းမှာ တော့ ဗန်းမော်မြို့မှာ ကျန်နေတဲ့ အမှတ်(၂၁) စစ်ဆင်ရေးကွပ်ကဲမှု ဌာနချုပ်(စကခ- ၂၁ ) အပါအဝင် လက်ကျန် တပ်စခန်းတွေကို သိမ်းပိုက်နိုင်ရေးအတွက် ထိုးစစ်ဆင်နေတာသိရပါတယ်။
ဗန်းမော်မှာ ဒီနေ့မနက်ပိုင်း တိုက်ပွဲ ပြန်စနေပြီး KIA က ပြန်လည်ထိုးစစ်ဆင်နေတာကို ကချင်ရင်းမြစ် သုံးဦးက အတည်ပြုပါတယ်။
၆ လခန့်တိုက်ပွဲကာလတွင်း ဗန်းမော်မြို့က တပ်ရင်းဌာနချုပ်တွေ ၊ တပ်စခန်းတွေကို KIA သိမ်းယူနိုင်ခဲ့သလို သံချပ်ကာယာဉ်တွေ ၊ရဟတ်ယာဉ်တွေကိုလည်း ဖျက်ဆီးနိုင်ခဲ့တယ်လို့သိရပါတယ်။
ပြီးခဲ့တဲ့ ရက်ပိုင်း မေလ ၂၀ ရက်ကဆိုရင် ဗန်းမော်မြို့ဆီ လူသူ ၊ခဲယမ်း ဖြည့်တင်းတဲ့ စစ်ကောင်စီတပ်ရဲ့ ရဟတ်ယာဉ် ၂ စီးကို KIA က ပစ်ခတ်ဖျက်ဆီးခဲ့ပါတယ်။
ဗန်းမော်မြို့ရဲ့ လက်ရှိစစ်ရေးအခြေအနေအရတော့ စကခ -၂၁ ဌာနချုပ်ရဲ့ ကာကင်းတွေဖြစ်တဲ့ အမြှောက်တပ် ၊ အမှတ် (၂၃၆) ခြေလျင်တပ်ရင်း ၊ တင့်ကားတပ်ရင်း တို့ အပြင် ဗန်းမော် လေဆိပ်ကိုပါ KIA က သိမ်းယူထားပြီးဖြစ်ပါတယ်။
ဧရာဝတီမြစ်ကြောင်းရေကြောင်းသွားလာရေးမှာ အရေးပါတဲ့ ဗန်းမော်မြို့မကျဖို့ စစ်ကောင်စီက လေတပ်ကို အားပြုပြီး ခုခံတိုက်ခိုက်နေတယ်လို့သိရပါတယ်။
ဒီနေ့ မနက် KIAက ဗန်းမော်မြို့ထိုးစစ်ပြန်လည်စတင်နေတာနဲ့ပတ်သက်လို့ KIA ရဲ့ ပြောရေးဆိုခွင့်ရှိသူ ဗိုလ်မှူးကြီးနော်ဘူကို ဆက်သွယ်ထားဆဲပါ။
ဗန်းမော်မြို့သိမ်းတိုက်ပွဲနဲ့ပတ်သက်လို့ စစ်တပ်ဝါဒဖြန့် တယ်လီဂရမ်ချန်နယ်တွေမှာတော့ KIA နဲ့ ပူးပေါင်းတပ်အထိနာနေပြီး မြို့ကိုပြန်လည်ထိန်းချုပ်ထားနိုင်တယ်လို့ ရေးသားဖြန့်ဝေနေကြပါတယ်။
#ludunwayoo #လူထုနွေဦး #NewsUpdate
𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴
𝗬𝗼𝘂𝗧𝘂𝗯𝗲 - / @peoplespring
𝗙𝗮𝗰𝗲𝗯𝗼𝗼𝗸 - / ludunwayoo
𝗪𝗲𝗯𝘀𝗶𝘁𝗲 - https://www.ludunwayoo.com/
𝗜𝗻𝘀𝘁𝗮𝗴𝗿𝗮𝗺 - / ludunwayoo
𝗧𝗲𝗹𝗲𝗴𝗿𝗮𝗺 - https://t.me/peoplespring
Повторяем попытку...
Доступные форматы для скачивания:
Скачать видео
-
Информация по загрузке: