عليك باللي مايجهل في حقوق الصحيب - خالد ال بريك 2023
Автор: قناة • القحومة الرسمية •
Загружено: 2023-09-28
Просмотров: 39660
Описание:
#_الموال
في حفل حامي الوقفه زبون الجزيل
اللي عساه يسلم من جميع الصدوف
بسم كل القحومه .. كاسبين الجميل
ربعي اهل المفاخر مكرمين الضيوف
عد برقٍ تلالا .. في قنوف المخيل
مرحبا .. والوفاء طبعٍ لنا ومعروف
____________________________
قدام نجم الجدي عن شوف عيني يغيب
في ليلٍ بنوره الساطع سطع في سماه
رحبت في هاجسي واقبل بصدرٍ رحيب
كنه يقول ابشر بعزك وباللي تباه
اشلع بصوتك وغن القاف ياعندليب
بعد ماشيدت في صرح الجزاله ابناه
وشلون اقدم عذر دون المواقف واغيب
وانا حضوري يشد ويلفت الانتباه
الطيب ان طاب قلنا ماهو شياً غريب
بس ان تردى نستغرب كلنا من رداه
خلوني اسج .. لو جو الليالي كايب !
اهم شي المبادي بعد فرض الصلاه
بلاوي الوقت منها يستعيض اللبيب
والله تعالى هو اللي في يديه النجاه
ياربي اعوذ بك من صلو حام الهيب
عفوك ورحمتك هي اكبر كنوز الغناه
اضرب على اهل المصالح والنمايم صليب
مامن ورى عرفهم عز وكرامه وجاه
كم واحدٍ فـ السعه تقول حراً عطيب
وان جاء محك المواقف مايذري ذراه
قد قالو انشد مجرب لاتنشد طبيب
ترا اكثر اهل المظاهر ماوراهم غناه
عليك باللي مايجهل في حقوق الصحيب
شروا حصانٍ مجمل مع جميع اخوياه
عاطف ولد بادي اللي سيرته نفح طيب
( رجم الفخر ) بالمكارم والجمايل رقاه
فيه الهقاوي وريث المرجله .. ماتخيب
ان كان ماجاء على ضنك يجي من وراه
اصحابي الكل منهم فـ المواقيف ذيب
لكن واحد .. فرق عنهم جميييع بوفاه
منول احسب مالقى .. مثل حبيب شبيب
وحصلت عاطف عسى ضعاف الروابع فداه
فيه الطناخه وله فـ الطيب قسم ونصيب
يشوف كسب الجمايل مكسبه فالحياه
جده صقر والصقر مثله صقورٍ يجيب
وعيال عمه زحولٍ .. ماتخيب رجاه
ذوي زهيد اهل نخوه .. ورايٍ صليب
الكل منهم مقام العز صافح يداه
وخواله الاد شايع .. فـ النهار العصيب
اللي يقف في نحاهم .. ياشقاه وعناه
وحزام جنبه عسى عنه السعد مايغيب
ابن صقر حيه .. وياحي والله نباه
من يحتزم في صليب الراس مايستريب
يضرب على كل كايد .. ويتحقق مناه
عادل وعادل طليق حجاج ساسه عريب
تفرح محبينه افعاله .. وتزعل اعداه
يشهد له اللي بعيد ويشهد اللي قريب
في كل طاله تعلا .. واعتلى مستواه
حفيد قومٍ تهيب بالفعل .. ماتهيب
ربعي ملاذ الدريك مطوعين العصاه
حنا الموازين شمس امجادنا ماتغيب
قومٍ نعز الخوي .. والخصم نلعن ثواه
حربة ذوي عون ربعي سقم عين الحريب
اللي لهم مجد .. لايوجد لـ مجداً سواه
من عزوةٍ عزها الله .. بالمقام المهيب
حمر النواظر هل الردات روس الدهاه
تاريخهم مع تواريخ العرب له قنيب
كم شاعرٍ قد تغنابه .. وراوي رواه
قبل يجي فالوطن بترول وخطوط بيب
صالو وجالو بهيبتهم .. في كل اتجاه
اليا تعلو على ضهور امهات السبيب
راحت فـ عيون الخصوم الارض كبر الحصاه
مطير من يوم كان الوقت وجهه شحيب
ماطمنو روسهم .. الا من اجل الاله
قبيلةٍ صيتهم كله .. مفاخر وطيب
من حد بحر الخليج الى جبال السراه
Повторяем попытку...
Доступные форматы для скачивания:
Скачать видео
-
Информация по загрузке:
