Mana Data by Kamikazi

Описание: MANA DATA Lyrics
BY Kamikazi

R/ Nzavuga hose ibisingizo byawe, ( MANA DATA) Nzakuvuga hose ibisingizo , nkuririmbire, Uri Imana yanjye. ( ee nkuririmbire, Uri Imana yanjye x2)


1. Abato n' abakuru nibagusingize MANA DATA , Ugukunda wese abyigambe yooo.

Abakambwe bose nibaguhimbaze MANA DATA, Ukuramya wese ajye abyigamba yooo.

Abantu benshi, ntibibuka ko isi izashira , ubona bagenda nk' aho bazi iyo bazajya.

Watwambukije inyanja y' amagorwa inshuro nyinshi , ibyago byinshi, biba ari simusiga.

Iyo nibutse ko ari Wowe Ufite ijambo rya nyuma , mpinda umushyitsi nkibaza uko Undeba.


R/.....

2. Igitondo cyiza ,Ni Wowe wategetse ngo kibeho, reka nkuririmbire, Uri IMANA yanjye.

Imvura dukenera, Ni Wowe Wategetse ibyayo, reka nkuririmbire, Uri IMANA yanjye.

Umwuka Waduhaye Ni Wowe Uzi neza igipimo cyawo, nkuririmbire, Uri IMANA yanjye.

Ibyo kunywa amazi Wabimenye rugikubita, nkuririmbire Uri IMANA yanjye.

3. Ibyatsi bivura, Ni Wowe wabishyize mu bindi , Uduha ubuhanga bwo kumenya aho duhera.

Ibyatsi biribwa nabyo wabishyize mu bindi, Uduha n'ubwenge bwo kubivangura.


Izuba rirenga, Ni Wowe wategetse uko rigenda , reka nkuririmbire Uri IMANA yanjye.

Umwezi iyo waka wibuka rya Jambo ryawe , nkuririmbire Uri IMANA yanjye.

R/.....

4. Amazi iyo atemba, burya yibuka rya Jambo ryawe, atemba ajya iyo azi, nabyo ni Ubuhanga bwawe.

Muri ayo mazi hari n' ayafutse rwose, amanuka utununga asanganira abavomyi.

Nibutse y' uko, nta kintu cyaba ku isi Utabizi , kuko Uzi byose, MANA y' Ubutabera.

Umunyabyaha, amagambo ye ashire ivuga , kuko no kubyuka, Dawe ni Impuhwe Zawe.

5 . Kurata ibyawe, bindutira rya jambo ry' umukwe, nkuririmbire Uri IMANA yanjye.

Ijoro uko rije nkumbura ya neza Yawe, nkuririmbire Uri IMANA yanjye.

R/.....


6. Ijuru ritoya, washatse kuriha ababyeyi , kurera umwana ni ubuhanga Waduhaye.

Umwana mu nda, aba avuga ururimi rwawe , niyo si tutazi nabyo ni Ubuhanga bwawe.

Wibutse rwose, ko umubiri wacu uzananirwa, uduha ibitotsi ngo tujye turuhuka.

Uzi ko arya wese, yakwibutse kugupfukamira, kuko bitwibutsa ko turi ubusabusa.


R/......

7. Iyo nibutse kenshi, ko Uri Imana izi gutabara, ndambura ibiganza, ngo nzamure amashimwe.

Nshyira mu Mutima, kwikubita imbere yawe , ngusange kenshi, nk' umwana usanga Se.

Abayisiraheri babonye Ububasha bwawe , reka n' uyu munsi mpobere
Ineza Yawe.x2

R/.....


Kamikazi💞