رفيحي من كلمات واداء ولحن شادي جهينه

Описание: ينوض البرق في دهم السحب وتسيل الوديان
سنا ضيه يشوق العين والمسرى على ضيه
حقاق المزن لا دنت رعوده وابتدى الهتان
تباشر به عباد الله وتفرح فرْح مازيه
يطيب الشعر في ذكر المطر ويزين بمطيران
ابوي وتاج راسي والفخر والسيره الحيه
هلا باسمه واسم سالم عوض ومعيض وسليمان
هلا يامرحبا ترحيبة بالمسك مطليه
عيال اللي عساه بجنة الفردوس له بستان
وله من رحمة الله والنعيم بيوت مبنيه
لك الفضل ولك الحمدولك الشكر ولك العرفان
ياواحد يعلم اسرار العباد ويعلم النيه
جعلت الموت سنه والتحقت الخلق بالنسيان
وبعض الناس مات وباقياً ذكره وطاريه
وعذرا مانريد نكدر الافراح بالاحزان
لكن الحفل حفل اللي لهم بالوصف ماريه
هلا يامرحبا ترحيبة اهل الجود بالضيفان
نقدمها سوى لضيوفنا في ساعة الجيه
هلا يامرحبا ترحيبةً ماقدرت بأثمان
ومهما قلت ياطيب التراحيب العموميه
بيوت الشعر نتقنها ونبنيها على سيسان
بيوتاً ثابته ماهي بمبيوعه ومشريه
علشان الرجال اللي لهم بأقصى الضماير شان
عيال العم من ماض الزمان بيوت منصيه
عيال العم لاضاقت عليك وشبت النيران
بحول الله ليا وقفوا معك ف النار مطفيه
ومن لا يفتخر بعيال عمه ناقص وخسران
ومن يطعن بهم بين الملا لا يامن السيه
يقوله شاعراً يفخر بجده عيد ابن سلمان
ويفخر في ربوعه كلها بسلوم عرفيه
انا الليله فرحت وفرحتي من فرحة الاخوان
طبيعي تكتمل فرحة لخو من فرحة اخيه
دخيل الله ويوسف قدرهم بين النشاما بان
قبل مانطرق ابواب القصيد وننضج الكيه
عسى الافراح دايم دايره مع دورة الازمان
وخير الله كثير ورحمته بالحال مرجيه


#شادي جهينه