سطوة حرب | مطنّخ السحمان - كلمات : فهد بن فارس السحيمي - اداء : شبل الدواسر 🔥🔥

Описание: الكلمات :

راسي اليا طرّف الليل اتخاطفه الطواري
خطرن انه يطلع لخارج نطاق الجاذبيه

عاد فكري شايلٍ منه الهبوط الاضطراري
لو تخطى زمرة المريخ يبغى الخارجيه

يصنع افكاره مثل ماصنعت صاروخ ماري
كلنا نبغى براءة فكر والنا الاولويه

هي تفكر لجل تكسب مدحة البيت الوزاري
ولا انا افكر عشان أخذ براءة شاعريه

ولا أقارن فكري بفكر اليهوديه واماري
لو فكري ياخذ من صناعة الصاروخ شيه

لو خبطت الارض بالفكره وانا راسي شناري
وقعها فالارض من قوه مثل مقلع طميه

باتفنن فالقصايد دام لي هاجوس نااري
يثني البيت العنيد اللي ماتلقى بيت زيه

كثرو الشعار حتى اللي على ارصفة الحواري
يكتبون الشعر لكن ماله ايت قابليه

يحسبون الشعر سلعة بيع من مركز تجاري
عيفونا فالقصايد واللحون الشاعريه

ياسقا الله شعر ابن جدلان والشيخ الحداري
ولا يهون ابن زويبن يا عسا روحه هنيه

أحفظ وقار القصيد تقول كنه من وقاري
اترك اللي يكتبه فضوه وكله فوضويه

ودون حفلك ياطليق الوجه ماسقت اعتذاري
دون خالي والله انها ماتفيد المعذريه

الله يبارك بحفلك وانت للطالات ضاري
يامطير اسمك لمع بين الحروف الابجديه

ابلجن مطنوخ لامنه بدا للنعم طاري
اسمك يقّلط على الامداح واله الافضليه

من كثر طيبك ومرجلتك اذا منته بداري
ودي يحطون بعد اسمك نعم فالتابعيه

مايجاري ربعي السحمان للطاله مجاري
من قديم الوقت لين اليوم وسنين مديه

عاد لاوصل القصيد لربعي ابعد عن مساري
لعنبو راسن مايطبخ دون ربعه من حميه

اتعنصر دونهم فالشعر ويزيد افتخاري
دون لاد سحيم راسي ممتلي بالعنجهيه

فعل لاد سحيم ثابت مايبا كاتب وقاري
فعلهم في صفحه التاريخ ماتلقى حليه

ان بغيتوها شجاعه نشبه لسحم الضواري
من يوقف قدمنا ودّع ووافته المنيه

وان بغيتوها حمايا قالها رجال غاري
ماطلع في روسنا من الشيب غير من الحميه

لانصانا اللي من هموم الزمن جاله جواري
يهتني في ضفنا ويعيش عيشه مآ لكيه

مجدن مسطر على الافعال ماهو بالهذاري
سطروه مطنخ السحمان بعزومٍ قويه

زادو امجاد الحروب امجاد بالفعل القراري
عاد سطوة حرب معروفه ولاهي بمغطيه

قد حمو دار الرسول ودمرو باشا دماري
دمرو حمر العلابي بالسيوف الفيصليه

انهزم باشا وعاف الدار و يهل العباري
يوم جتهم حرب مصطكه مافيها مرحميه

خلو جثثهم على البيدا مثل ردم الزباري
بالرماح وبالسيوف بدون رمي وبندقيه

ثم اخذنا طيبه بصكٍ ماهو صكٍ عقاري
صكٍ اخذناه يوم نقّدم الانفس هدية

نطرد اللي ناويٍ فيها مثل طرد الحباري
بعدها جينا وحولنا على نجد العذيه

مانزلنا نجد وهضابه على ظهور اللواري
نازيلنه بالاصيله والكحيله و العبيه

من يناطح حرب في محاولها شاف العزاري
الولد مناا ليا منه اعتزى ينطح سريه

يلعبون عيالنا بعظام الاعداء عظيم ساري
بعد ما اخلينا الديار وطاعت الروس العصيه

والله يعز الحروب بكل وقت وكل داري
بعد ماحازو على الامجاد بافعال جريه

مجدنا مايلحقه شكه وانا أآخو مشاري
وكان مازدته شموخ وعز سجلها عليه