DD News Mizoram Chanchinthar | 14 January 2026 | 6:30 PM

Описание: Mizoram chhung leh ram hrang hrang a thil thleng te :

Local 6:30 PM

1. Sainik Welfare & Settlement Department buatsaih 10th Armed Forces Veteran Day cum Ex- Services Reunion of Mizoram chu vawiin khan Chief Minister Pu Lalduhoman Khuallian niin a hmanpui.

2. Food Civil Supply & Consumers Affairs Minister Pu B. Lalchhanzova chuan, Gas Pipe hmanga Tripura atanga Mizorama Natural gas thlunzawm hna thawh mekte endikin Agartala a tlawh.

3. Rural Development & Administration Department Minister, Prof. Lalnilawma hovin Ropuiliani Women Farmer Producer Company Limited hmalakna thlirho a ni.

4. Lunglei, Lawngtlai leh Mamit District-a Ministry of Minority Affairs hnuaia PMJVK kaltlanga basketball court 24 leh volleyball court 18 sakte chu District Council & Minority Affairs Changtu Minister Pu C. Lalsawivunga'n a hawng.

5. Forest Minister Pu Lalthansanga chuan National Plan for Conservation of Aquatic Ecosystems (NCPA) hnuaia tanpuina chu Tamdil humhalh leh tihhmasawn nana thawktu chhungkaw 106 hnenah a sem chhuak.

6. Horticulture department chuan Kum 2026 atana inhlantharna hun Horticulture Conference hall ah an hmang a he hun hi Horticulture Minister Pu C.Lalsawivunga chuan khuallian niin a hmanpui.

7. Information & Communication Technology Department Minister Dr Vanlalthlana hovin ICT Conference Room ah Department Review Meeting neih a ni.

8. Kut themthiam lam inzirtirna kawnga Sawrkar laipui hmalakna PM Vishwakarma Scheme inhrihhriatna hun vawiin khan DC Pisapui Hall-ah neih a ni.

9. Naktuk January Ni 15-a State Level mock Exercise neih tur chungchang ah Comissioner and Secretary, Cooperation / DM&R Udit Prakash Rai chuan thuthar thehdarhtute a kawm.

10. Mizoram Sawrkar Commissioner of State Tax thuchhuah angin Mizoram chhunga Event huaihawt tu tur te chuan Remtihna 'No Objection Certificate' an lak hmasak a ngai tawh dawn.

National 6:30 PM

1. Prime Minister Narendra Modi chuan loneitute chu ram siam simathat kawnga hmahruaitu an nih thu a sawi.

2. Army Chief General Upendra Dwivedi chuan Operation Sindoor chu ram tumruhna leh insumtheihna lantirtu pawimawh tak a nih thu a sawi.

3. Education Minister Dharmendra Pradhan chuan vawiin khan Prime Minister Narendra Modi kaihhruaina hnuaiah, thla thar hian India-in 'AI Impact Summit' ropui tak a thlen tur thu a puang.

4. Ram chuan Defence Forces Veterans’ Day vawi 10-naah sipai bangte huaisenna leh inpekna zahna a hlan.

5. Lok Sabha Speaker Om Birla chuan New Delhi-ah South Africa leh Grenada atanga 'Commonwealth Speakers and Presiding Officers Conference'-a tel tur ram palaite nen an inkawm.

6. Prime Minister Narendra Modi leh French President Diplomatic Advisor Emmanuel Bonne te chu New Delhi-ah inkawmin thawhdunna kawng hrang hrang an sawi.

7. Education Minister Dharmendra Pradhan-a chuan New Delhi-ah National Institutes of Technology, Science Education and Research (NITSER) Council thutkhawm vawi 13-na a kaihruai.

Follow DD Mizoram:
  / ddnewsmizoram  
  / ddnews_mizoram  
  / ddnewsmizoram