વલસાડમાં નશાના કાળા કારોબાર પર પારડી પોલીસની તવાઈ,નાકાબંધી કરી ગાંજાનો જથ્થો ઝડપી પાડ્યો

Описание: વલસાડમાં નશાના કાળા કારોબાર પર પારડી પોલીસની તવાઈ,ભેંસલાપાડા ત્રણ રસ્તા પાસે નાકાબંધી કરી ગાંજાના જથ્થા સાથે એક આરોપીની અટકાયત,

વલસાડ જિલ્લામાં નશીલા પદાર્થોની હેરાફેરી ડામવા માટે પારડી પોલીસ હાલ એક્શન મોડમાં આવી ગઈ છે. પારડી પોલીસે સપાટો બોલાવતા દમણથી ગાંજાનો જથ્થો લઈને આવતા એક શખ્સને ઝડપી પાડ્યો છે. એટલું જ નહીં, પોલીસે ગણતરીના કલાકોમાં જ આ કેસના મૂળ સુધી પહોંચીને ગાંજો સપ્લાય કરનાર દમણના મુખ્ય આરોપીને પણ દબોચી લીધો છે..

વલસાડ જિલ્લાની પારડી પોલીસને નશાના સોદાગરો સામે મોટી સફળતા મળી છે. પી.આઈ. જી.આર.ગઢવીના માર્ગદર્શન હેઠળ એ.એસ.આઈ. કાનજીભાઈ નથુભાઈની ટીમને એક ચોક્કસ બાતમી મળી હતી. બાતમી મુજબ, પરીયા ગામ તરફથી આવી રહેલા એક સફેદ રંગના સુપર કેરી ટેમ્પોમાં માદક પદાર્થની હેરાફેરી થઈ રહી હતી. આ માહિતીના આધારે પોલીસે તાત્કાલિક ભેંસલાપાડા ત્રણ રસ્તા પાસે વોચ ગોઠવીને GJ-15-AV-7381 નંબરના ટેમ્પોને અટકાવ્યો હતો..

પોલીસે ટેમ્પોની તલાશી લેતા ક્લીનર સીટની પાછળ પ્લાસ્ટિકની થેલીમાં સંતાડેલો શંકાસ્પદ વનસ્પતિજન્ય પદાર્થ મળી આવ્યો હતો. ઘટનાસ્થળે જ FSL અધિકારીને બોલાવી પરીક્ષણ કરાવતા આ પદાર્થ 'ગાંજો' હોવાનું પ્રમાણિત થયું હતું..પોલીસે 3,700 રૂપિયાથી વધુની કિંમતનો 74.520 ગ્રામ ગાંજો, 5,000 નો મોબાઈલ અને 2 લાખનો ટેમ્પો મળી કુલ ₹2,08,726 નો મુદ્દામાલ કબજે કર્યો છે અને ટેમ્પો ચાલક પ્રકાશસિંહ રાજપૂતની ધરપકડ કરી છે..પકડાયેલા આરોપી પ્રકાશસિંહની પોલીસે પોતાની આગવી ઢબે સઘન પૂછપરછ કરતા તેણે કબૂલાત કરી હતી કે આ ગાંજાનો જથ્થો તેને દમણના વિપિન નાગેશ્વર શાહુએ આપ્યો હતો. પોલીસે જરા પણ સમય વેડફ્યા વિના ટેકનિકલ સર્વેલન્સ અને બાતમીદારોની મદદથી દમણના ભીમપોર ખાતેથી વોન્ટેડ એવા મુખ્ય સૂત્રધાર વિપિન શાહુને પણ ગણતરીના કલાકોમાં જ ઝડપી પાડી જેલના સળિયા પાછળ ધકેલી દીધો છે..