GÜNLƏRLƏ XIRÇILTISI İTMƏYƏN NAPALYON TORTU RESEPTİ

Описание: 📌 Ərzaqlar

🥐 Xəmir üçün:
• 250 qr kərə yağı (soyuq)
• 4 st un
• 1 st soyuq su
• 1 ədəd yumurta
• 1 x/q sirkə

🍮 Krem üçün:
• 2 st süd
• 1 ədəd yumurta
• 1/2 st şəkər tozu (100 qr)
• 2,5 x/q nişasta (40 qr)
• 1 paket vanil
• 250 qr kərə yağı (otaq temperaturunda)
• 4 x/q bişmiş qatılaşdırılmış süd

⸻

👩‍🍳 Hazırlanması

🔹 Krem:

• Vanildən başqa bütün ərzaqları qazana əlavə edib qarışdırın.
• Daim qarışdıraraq zəif odda qaynayıb qatılaşana qədər bişirin.
• Ocaqdan götürüb vanili əlavə edin və qarışdırın.
• Ayrı qaba tökün, üzərinə kremə təmas edəcək şəkildə streç çəkin və soyumağa qoyun.
• Otaq temperaturunda yumşalmış kərə yağını mikserlə ağarana qədər çalın.
• Soyumuş bişmiş kremi qaşıq-qaşıq əlavə edib mikserlə qarışdırın.
• Sonda qatılaşdırılmış südü əlavə edib kremi hazır vəziyyətə gətirin.

⸻

🔹 Xəmir:

• Soyuq kərə yağını ələnmiş unla umac halına gətirin.
• Ayrı qabda soyuq su, yumurta və sirkəni qarışdırın.
• Bu qarışığı umacın üzərinə əlavə edib xəmiri toplayın.
• Qatlama üsulu ilə xəmiri formalaşdırın.
• 7 bərabər kündəyə bölün, üzərini streçləyib 1–2 saat soyuducuda saxlayın.
• Kündələri bir-bir çıxarıb unun köməyi ilə nazik şəkildə yayın.
• Əvvəlcədən isidilmiş 200°C sobada alt-üst rejimdə 6–7 dəqiqə, qızarana qədər bişirin.

⸻

🎂 Yığılması:

• Layları kremləyib tort yığılır.
•Üzəri artıq qalan hissələrlə ovuntu halına salınıb bəzədilir.
• 1 gecə soyuducuda saxlayıb daha sonra servis edilir.

Bu reseptlə tort uzun müddət həm xırçıltısını, həm də ləzzətini qoruyur 🤍