طارق العوض - عابرة من يوم مامشيتي

Описание: اغاني طمبور
طارق العوض
كلمات... محمداحمد الحبيب
الحان ...طارق العوض
عابره من يوم مامشيتي ولامن إتلاقينا هسع
كنت واثق لو بقيتي حبة من خردل بترجع
لو مهب الريح ذراها في أرض ياعابره بلقع
او ضلام الليل طواها سيدي قادر بيها يجمع
وعايز اكون أنا ليهو عابد ولازم ألبس يوم مرقع
في طريق مبداه واحد عزه ترمي وزله ترفع
وشيخي شايل ليلو ذاكر بي إمور السيد مشبع
والمنام من عينو طافر لا ولا نوما مقطع
لعنة الله الف مره علي قريني المابي يخضع
ونفسي اماره ومصره كلما يغريها تطمع
إلا حالف بالخلقني لي طريق القوم ح اتبع
وللوراي لوكان لفتني مستحيل انا تاني ارجع
الا ريدك يا أماني باقي لي اشعاري مطلع
وانت أمطار الاغاني والبيلقي الموية يزرع
انتي في امدرمان معاني وانتي لي افكاري مشرع
وانتي إشراقة التجاني وبيكي هام جماع وأبدع
عابره مرحبتين حبابك لي سنين راجيك موجع
كنت غايب بي غيابك لابشوف لاحتي بسمع
ياسلام ساعة الله جابك لي فؤادي المابي يقنع
وبي سعاده طرقت بابك والعيون بالفرحة تدمع
لحظة كانت ياأماني خلت المن غيرا ينجع
بيها غصن الماضي تاني انتشي وياعابره فرع
كان عناق ياعابره قادنا لي قديما فات وودع
ورغم كنا علي إنفرادنا ماقدر تالتنا يخدع
عايني في عينين حبيبك شوفي كيف اشواقو تسطع
لامن الايام تجيبك في مجال ياعابره اوسع
بنتظر لامن تعودي إن حيت في الدنيا لسع
الا كيف اضمن وجودي والعمر ياام زين مشفع