ပြည်ထောင်စုလွှတ်တော်ကိုယ်စားပြုကော်မတီသတင်းထုတ်ပြန်ချက် အမှတ်(၁) ရက်စွဲ၊ ၂၀၂၁၊ ဖေ‌ဖော်ဝါရီလ ၁၀ ရက်

Описание: ပြည်ထောင်စုလွှတ်တော်ကိုယ်စားပြုကော်မတီ
သတင်းထုတ်ပြန်ချက် အမှတ်(၁)
ရက်စွဲ။ ။ ၂၀၂၁ ခုနှစ်၊ ဖေဖော်ဝါရီလ (၁၀) ရက်
၁။ ယမန်နေ့(၉-၂-၂၀၂၁)ရက်က နေပြည်တော်၊ မန္တလေးနှင့်အခြားမြို့များတွင် ဖြစ်ပေါ်သာအာဏာသိမ်း စစ်အုပ်စုဆန့်ကျင်ရေး ပြည်သူ့ဆန္ဒပြပွဲများအား အင်အားအလွန်အကျွံအသုံးပြုလျက် ရေအမြောက်၊ ရာဘာကျည်၊ ကျည်အစစ်တို့ဖြင့် ပစ်ခတ်နှိမ်နင်းခဲ့မှုကြောင့် နေပြည်တော် မျှဝေသောလက်များပရဟိတ အသင်းမှ အဖွဲ့ဝင်အသက်(၁၉)နှစ် အရွယ်ရှိ မမြတ်သက်သက်ခိုင်မှာ အသက်အန္တရာယ်စိုးရိမ်ရသည်အထိ ဦးခေါင်းတွင် သေနတ်ဒဏ်ရာရရှိခဲ့ကြောင်း နေပြည်တော်အခြေစိုက် သတင်းထောက်တစ်ဦးအပါအဝင် အခြားထိခိုက် ဒဏ်ရာရရှိသူများလည်း ရှိခဲ့ကြောင်းသတင်းရရှိပါသည်။
၂။ ငြိမ်းချမ်းစွာ ဆန္ဒဖော်ထုတ်သော ပြည်သူများအားယခုလိုအကြမ်းဖက် ပစ်ခတ်ဖြိုခွင်းမှုသည် ရာဇဝတ်ပြစ်မှုမြောက်သော ဆောင်ရွက်ချက်ဖြစ်သည့်အတွက် ပြင်းထန်စွာကန့်ကွက်ရှုံ့ချကြောင်းနှင့် ဤပစ်ခတ်မှုကို ကျူးလွန်သော ရဲတပ်ဖွဲ့တာဝန်ရှိသူနှင့်တကွ အာဏာသိမ်းစစ်ခေါင်းဆောင်များအား ဉပဒေနှင့်အညီ အရေးယူအပြစ်ပေးနိုင်ရေး ပြည်ထောင်စုလွှတ်တော် ကိုယ်စားပြုကော်မတီအနေဖြင့် ဆက်လက်ဆောင် ရွက်သွားမည်ဖြစ်ကြောင်း သတင်းထုတ်ပြန်အပ်ပါသည်။
၃။ ပြည်သူများအနေဖြင့်လည်း အာဏာသိမ်းစစ်အုပ်စုအပေါ် ဉပဒေနှင့်အညီ အရေးယူအပြစ်ပေးနိုင်ရေးအတွက် အနယ်နယ်အရပ်ရပ်တွင် ၎င်းတို့ကျူးလွန်သောပြစ်မှုဆိုင်ရာ သတ်သေအထောက်အထားများကို စုဆောင်းထားကြပါရန်နှင့် ပြည်ထောင်စုလွှတ်တော်ကိုယ်စားပြုကော်မတီ၏ တရားဝင် Email - [email protected] နှင့် Facebook Page –   / crph.official.mm   သို့လည်း သတင်းအချက်အလက်များပေးပို့ကြပါရန် နှိုးဆော်အပ်ပါသည်။
ပြည်ထောင်စုလွှတ်တော်ကိုယ်စားပြုကော်မတီ