CATUBIG DAM @ San Isidro, Las Navas, Northern Samar

Описание: Isang proyekto ng gobyerno ang Catubig Dam na matatagpuan sa Brgy. San Isidro, Las Navas, Northern Samar noong kapanahunan ni Pangulong Gloria Macapagal Arroyo. Maraming nagsasabi na kaya daw itinayo ang Dam na iyan ay dahil sa isang sekretong misyon na isinakatuparan at iyan ay ang paghukay ng nakabaong ginto o YAMASHITA TREASURE at ginawang front ang proyekto upang ilihis ang mga tao sa tunay na dahilan.

Totoo man ito o hindi iisang katanungan lamang ang aking napagtanto nang makita ko mismo ang proyekto sa tunay na kalagayan nito. ANO NGA BA ANG TUNAY NA BENEPISYO MAYROON ANG DAM NA ITO PARA SA MGA TAO? Dahil sa kasalukuyan mistula lamang itong isang bagay na binuo at iniwan pagkatapos magawa.

Dahil kung pagmamasdang mabuti ang tema ng proyekto wala naman ito sa kasalukuyan ibang naibibigay na benepisyo sa mga tagaroon maliban sa pagtaas ng tubig na naging sanhi din upang madaanan na ito ng mga bangkang de motor at mapadali ang transportasyon ng mga produkto mula sa mga bukirin na dati oras o halos araw ang ginugugol ng mga tao upang iluwas sa Barrio ang mga ani dahil sa sukal na daan at sa bundok pa ito idinadaan, sa ngayon ilang minuto na lamang ito binibiyahe ng bangkang de motor sa ilog at nakakarating na sa destinasyon paroo't parito.

Sa isang dako naman...Bakit nga ba tinawag na CATUBIG DAM ang proyektong ito gayong sa pook na kinasasakupan ng bayan ng Las Navas naman ito itinayo? Ito ang mga katanungan ng mga taong hindi pa alam ang dahilan maging ako din nang di pa alam ang totoong sanhi ay may parehong tanong din. Pero ang rason pala kung bakit iyan tinawag na CATUBIG DAM ay dahil noong mga panahon pa ng Kastila wala pa ang Las Navas, at ang Catubig ang bukod-tanging bayan sa lugar na sumasaklaw sa mga karatig barangay. Kasama na rito ang MAIN BODY OF ELEVATED RIVER mula Catubig hanggang PINIPISAKAN FALLS kasama na din ang AFTER FALLS RIVER na kung tawagin sa Waray ay GINAGATUSAN hanggang sa junction ng SAG-OD RIVER at PANAON RIVER ang tawag sa mga ilog ay CATUBIG RIVER. At iyan ang naitala sa history at titulo ng lugar na di na nabago pa hanggang sa pagsibol ng bagong bayan ang Las Navas.

Gayonpaman umaasa ako na isang araw mas magandang kapakinabangan para sa mga mamamayan ng San Isidro at iba pang karatig Barrio ang maidudulot ng Dam na iyan na maisasagawa naman ng gobyerno na siya namang tunay na layunin kung bakit itinayo ang Dam na iyan sa lugar.

Kung nagustuhan ninyo ang video na ito mag SUBSCRIBE po kayo sa CHANNEL na ito at e-click na din po ninyo ang 🔔 [Bell Icon] para ma-notify pa kayo lagi sa mga future uploads ko…

MARAMI PONG SALAMAT SA INYO MGA KABABAYAN!














#catubigdam #catubigdamnsamar #sanisidrolasnavasnsamar