Opinion - Albin Kurti, Interviste Kosova (22 shkurt 2012)

Описание: Mbrëmjen e sotme në emisionin “Opinion” ishte i ftuar Kryetari i Lëvizjes Vetëvendosja, Albin Kurti për të diskutuar rreth problemeve konceptuale midis Shqipërisë dhe Kosovës.
Rreth 10 vite më parë në të njëjtën studio, Kurti rrëfeu detaje nga 2 vitet e vështira të jetës së tij si i burgosur nën regjimin serb. Pas lirimit nga burgu, Kurti u riaktivizua në jetën shoqërore e politike të Kosovës.
Përsa i përket pavarësisë së Kosovës, kreu i Lëvizjes Vetëvendosja u shpreh: “Pas tërheqjes së forcave të Serbisë nga Kosova kemi menduar se shpallja e pavarësisë, bërja e Kosovës e pavarur do të ndodhte shumë më herët se çka ndodhur. Ajo u zvarrit për 9 vite me radhë. Mendoj që jo për faj të kosovarëve, por të faktorëve të ndryshëm ndërkombëtarë. Mbi të gjitha për faj të Serbisë, por edhe për shkak të përgjegjësisë së qeverive të pasluftës në Kosovë, të cilët nuk duket se kanë qenë të vullnetshëm që të nguten për atë që ishte e domosdoshme për popullin e Kosovës. Ata nuk kanë qenë fajtorë, por përgjegjës për shkak se kanë patur mundësi që shumë më herët të angazhohen për ta bërë Kosovën të pavarur dhe vend sovran. Po e shihni që dhe tani nuk jemi në një situatë të përshtatshme. Duhet të analizohen vështirësitë e ndryshme, por vullneti duhet të jetë pikënisja. Nuk mund të presim që dikush të na thotë që tani mund ta shpallni pavarësinë”. /tvklan.al