I dënuar më parë për vrasje, Merin Maçi tregon si i ka shpëtuar drejtësisë 63-vjeçari në Berat

Описание: Gazetari Merin Maçi, i ftuar në emisionin Opinion, ka dhënë detaje të reja për vrasjen e Keli Hoxhës në Berat nga 63-vjeçari K.M., pas një sherri banal për kalin. Sipas tij, autori i ngjarjes ka qenë një person problematik dhe me precedentë penalë të mëparshëm.

“Përveçse kemi të bëjmë me një person problematik, kemi të bëjmë me një person të dënuar në vitin 1994, po për vrasje. Një dënim që ai e ka shmangur duke u arratisur në Greqi. Ka qenë i dënuar për vrasje në Berat dhe ka qëndruar për 20 vite në Greqi, derisa kjo çështje dhe ky vendim penal ndaj tij është parashkruar, duke i shpëtuar kështu drejtësisë”, u shpreh Maçi.

Ngjarja është regjistruar rreth orës 15:00 të 28 tetorit 2025. Viktima, Keli Hoxha, prej 14 vitesh jetonte në Britaninë e Madhe dhe kishte ardhur në Shqipëri për pushime me bashkëshorten, dy vajzat dhe nënën e tij, e cila ka qenë e pranishme në momentin e krimit.

Gjatë drekës në një nga restorantet e Kalasë së Beratit, vajza e vogël e Hoxhës kishte parë një kalë dhe i kishte kërkuar babait të bënin fotografi me të. Kali ishte i lidhur në një pikë ku ndodhej edhe 63-vjeçari Kristo Mema. Në ato momente, sipas familjarëve të viktimës, Mema u ka bërtitur që të mos i afroheshin kalit, çka ka çuar në një debat që përfundoi tragjikisht me vrasjen e Hoxhës.

Sipas Maçit, autori u arrestua rreth pesë orë pas ngjarjes. Edhe operacioni për kapjen e tij ka qenë i vështirë, pasi 63-vjeçari kishte njoftuar disa herë të afërmit se do të vetëdorëzohej, por më pas nuk bindej ta bënte këtë. “Nga ana e policisë dhe prokurorisë është insistuar përmes familjarëve, duke ngushtuar perimetrin ku ai mund të lëvizte, derisa u bë e mundur arrestimi. Pavarësisht se ai ka deklaruar se ishte nisur për t’u vetëdorëzuar, u arrestua në flagrancë”, tha gazetari.
Opinion nga Blendi Fevziu, emisioni politik më i ndjekur dhe më i preferuar në ekranet shqiptare. Arena e politikës shqiptare që prej 31 Gushtit 1997. Komente, analiza, debate, intervista, personazhe, dëshmi dhe fakte konkrete. Ngjarjet më të fundit dhe më të rëndësishme në jetën politike dhe sociale të vendit, me debatet, opinionet dhe analizat e të ftuarve në studio.
SUBSCRIBE to "RTV KLAN" on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/

#Opinion #BlendiFevziu #TVKlan