Hafiz Zubair Alizai about Zaeef Hadith Ki Pehchaan Kesy Karein?
Автор: Ishaatulhadith Hazro (Zubair Alizai)
Загружено: 2019-02-15
Просмотров: 4253
Описание:
ضعیف حدیث اس حدیث کو کہتے ہیں جس کے اندر صحیح اور حسن لذاتہ حدیث کی شرائط موجود نہ ہوں۔
یعنی نہ تو حسن ہو اور نہ صحیح ہو۔
تو جو روایت نہ حسن ہوگی اور نہ صحیح ہوگی، وہ ضعیف ہوگی۔
دنیا کی ساری روایتیں جو صحیح نہیں ہیں اور حسن بھی نہیں ہیں وہ ضعیف ہیں۔
اب سوال یہ پیدا ہوتا ہے کہ صحیح کسے کہتے ہیں؟ حسن کسے کہتے ہیں؟
صحیح حدیث اس حدیث کو کہتے ہیں جس کا ہر راوی عادل بھی ہو، ضابط بھی ہو۔
عادل کسے کہتے ہیں؟ عادل کہتے ہیں جو مسلمان ہو مشرک نہ ہو۔ سچا ہو کذاب نہ ہو۔
ضابط کسے کہتے ہیں؟ ضابط اسے کہتے ہیں جس کا حافظہ صحیح ہو۔ حافظے سے بیان کرے تو حافظہ صحیح ہو۔ اپنی کاپی سے اپنی کتاب سے بیان کرے تو اپنا خط صحیح طور پر جانتا ہو۔
عادل ضابط کے مجموعے کو ہم آسان زبان میں کہتے ہیں کہ یہ راوی ثقہ ہے۔
تو اس کا ہر راوی ثقہ ہو۔
دوسری بات یہ ہے کہ سند متصل ہو۔ یعنی سند کے ہر راوی کی اپنے استاد سے ملاقات ثابت ہو۔ تدلیس وغیرہ نہ ہو۔ انقطاع بھی نہ ہو۔
چوتھی بات یہ ہے کہ وہ روایت شاذ نہ ہو۔ ثقہ راویوں کے سچے راویوں کے خلاف نہ ہو۔
پانچویں بات یہ ہے کہ معلول نہ ہو۔ اس میں کوئی علتِ قادحہ نہ ہو۔ یعنی محدثین نے اسے ضعیف قرار نہ دے رکھا ہو۔ وغیرہ
تو یہ پانچ شرطیں ہوں گی تو صحیح ہوگی۔
اگر ان میں سے ایک شرط بھی نہ ہو تو وہ روایت ضعیف ہو جاتی ہے۔
اگر راوی عادل نہ ہو۔ کذاب ہو۔ تو حدیث ضعیف، موضوع۔
اگر راوی حافظے کی وجہ سے قوی نہ ہو۔ اپنا خط نہ جانتا ہو۔ اس کا دماغ کمزور ہو۔ بات بھول جاتا ہو۔ اور پھر بھولی ہوئی روایتیں بیان کرتا پھرے۔ یہ ضعیف راوی ہے۔ اس کی روایت بھی ضعیف ہوتی ہے۔
اگر سند متصل نہ ہو تو یہ بھی ضعیف ہوتی ہے۔
شاذ ہو، یہ بھی ضعیف ہوتی ہے۔
معلول ہو، یہ بھی ضعیف ہوتی ہے۔
اسی طرح حسن روایت کی تعریف یہ ہے کہ جس کا ہر راوی عادل ہو۔ البتہ ضابط میں کچھ تھوڑا اختلاف ہو۔ اس کا درجہ کم ہو۔
دوسرے لفظوں میں ہم اس راوی کو حسن درجے کا راوی کہتے ہیں جس راوی کو محدثین کی اکثریت یعنی جمہور محدثین ثقہ یا سچا کہیں۔ تو وہ راوی حسن الحدیث ہوتا ہے۔ اگر اس کی متصل روایت ہو۔ شاذ اور معلول نہ ہو تو وہ حسن روایت ہوتی ہے۔
جو روایت حسن بھی نہیں ہوگی صحیح بھی نہیں ہوگی، وہ ضعیف ہوگی۔
دوسرے لفظوں میں یہ سمجھ لیں کہ جس روایت کا راوی ضعیف ہو یا سند متصل نہ ہو تو وہ روایت ضعیف ہوتی ہے۔
اور ضعیف روایتیں مردود کے حکم میں ہیں۔
Повторяем попытку...
Доступные форматы для скачивания:
Скачать видео
-
Информация по загрузке:
