Հայ-ռուսական միջմշակութային կապերը խորանում են

Описание: Գյումրիում հոկտեմբերի 3-ից 5-ը անցկացվեց միջազգային բազմաժանր փառատոն՝ «Նռնաքարե ապարանջան․ Նևայից դեպի Գյումրի» խորագրով։ Փառատոնին մասնակցեց Սանկտ-Պետերբուրգից Գյումրի եկած մեծ պատվիրակությունը, որի կազմում էին Ռուսաստանի Դաշնության հյուսիսային մայրաքաղաքի կրթամշակութային կառույցների ներկայացուցիչները․ գիտնականներ, կրթության և մշակույթի բնագավառի ներկայացուցիչներ։ Փառատոնը կազմակերպել էին Գյումրու քաղաքապետարանը, Գյումրիում ՌԴ հյուպատոսարանը, Սանկտ Պետերբուրգի գիտական, մշակութային հասարակական կազմակերպությունները։ Միջոցառման նախաձեռնողներից է նաև «Օրրանական ժողովրդավարության միություն» հասարակական կազմակերպության ղեկավար Վիգեն Դավթյանը։ Փառատոնի նպատակն է՝ ստեղծել միջմշակութային սերտ համագործակցություն քույր քաղաքներ Գյումրու և Սանկտ-Պետերբուրգի միջև։ Ռուսաստանի Դաշնությունից եկած հյուրերը Գյումրիում մասնակցեցին «Համագործակցություն հանուն ապագայի․ միջմշակութային փոխգործունեություն» խորագիրը կրող կլոր սեղանին, որից հետո կողմերի միջև կնքվեցին համագործակցության հուշագրեր։