Jack Poels - De nacht van 't greune graas (Official Video)

Описание: Official music video for 'De nacht van 't greune graas', by Jack Poels

Video by Ruud Geuijen
Music & lyrics by Jack Poels
Produced by BJ Baartmans

© 2020 - Snowstar Records. Buy Jack Poel's music at
http://bit.ly/SnowstarWebshop or listen on Spotify: https://spoti.fi/2M6BLkK

Lyrics:
‘s Nachts spuult alles wir aan
als wrakhout kome herinneringe
van platse woar ge bint gewest
foto van enne wintermerge
toen de ganse werlt nog sleep
de hemel al wir helder
drukke snelweg din doar leep

de glimlach op ‘t water
de ierste kier dat ge gingt
‘t plein woarop weej zate
‘t kruusbield dat doar hing
dat hoes met die rare stilte
langs ‘t meer, hoeg op ‘t zand
drukkend werm, en toch rilde
waas iets geks mei an de hand

stare nar gate in de wolke
en inens, deep onder os
de motor di giet kolke

de boetreis die begon
wuurd de moan steeds feller
boave de veurtoare di seint
hiel veul rundjes op d’n teller
en wir in ‘t niks verdwijnt

is de sloap d’r wir vanaf
sijpelt ienzaamheid nar binne
en ge bedenkt vanalles
um iets anders te verzinne
mar gedachte die vervlege
nar gister, die ienne vroag
die ow dwong um op te lege
en dan zakte wir hiel troag

dipper in ow veilig kusse
schaduw van de boetelamp
doar grujje twiefels tusse
en ‘t droeme dat verdampt
ge denkt an hoe we ginge
um de werlt te ontdekke
mar um owzelf terug te vinge
hofde neet nar nijje plekke