Robert Burns - O Lay Thy Loof In Mine Lass Altho My Back Be To The Wa Gude Ale Comes(Jamie McMenemy)

Описание: Lyrics :

O Lay Thy Loof In Mine, Lass

Chorus-O lay thy loof in mine, lass,
In mine, lass, in mine, lass;
And swear on thy white hand, lass,
That thou wilt be my ain.

A slave to Love's unbounded sway,
He aft has wrought me meikle wae;
But now he is my deadly fae,
Unless thou be my ain.
O lay thy loof, &c.

There's mony a lass has broke my rest,
That for a blink I hae lo'ed best;
But thou art Queen within my breast,
For ever to remain.
O lay thy loof, &c.

Altho' My Back Be To The Wa'

Altho' my back be at the wa',
And tho' he be the fautor;
Altho' my back be at the wa',
Yet, here's his health in water.
O wae gae by his wanton sides,
Sae brawlie's he could flatter;
Till for his sake I'm slighted sair,
And dree the kintra clatter:
But tho' my back be at the wa',
And tho' he be the fautor;
But tho' my back be at the wa',
Yet here's his health in water!

Gude Ale Comes

Chorus-O gude ale comes and gude ale goes;
Gude ale gars me sell my hose,
Sell my hose, and pawn my shoon-
Gude ale keeps my heart aboon!

I had sax owsen in a pleugh,
And they drew a' weel eneugh:
I sell'd them a' just ane by ane-
Gude ale keeps the heart aboon!
O gude ale comes, &c.

Gude ale hauds me bare and busy,
Gars me moop wi' the servant hizzie,
Stand i' the stool when I hae done-
Gude ale keeps the heart aboon!
O gude ale comes, &c.

Facebook page :   / robertburnspoetry   #Robert #Burns #RobertBurns #Poet #Poetry