သရဲတစ္ဆေ တကယ်ရှိသလား - မဟာဝိဟာရကျောင်းတိုက်ဆရာတော်နှင့် အမေးအဖြ (၂)

Описание: ဗုဒ္ဓဘာသာဆိုင်ရာ အမေးပုစ္ဆာများကို လိုရင်းတိုရှင်း ဖြေကြားပေးနေသည့် အရှင်အဘယာလင်္ကာရ (မဟာဝိဟာရ - လှည်းကူး) နှင့် News Watch မှ တွေ့ဆုံမေးမြန်းထားသည်။

ယခု ဒုတိယပိုင်းတွင်
(၁) ဗုဒ္ဓဘာသာအယူအဆအရ သရဲတစ္ဆေ တကယ်ရှိသလား
(၂) လူသေပြီး (၇) ရက်အထိ နေအိမ်မှာဆက်ရှိနေသလား
(၃) သိမ်ဝင်ပုတီးကပိုစွမ်းသလား၊ သိမ်ကို အမျိုးသမီး ဝင်ခွင့်ရှိသလား
အစရှိသည့်မေးခွန်းများကို ဆရာတော်က ဖြေကြားပေးထားသည်။

မဟာဝိဟာရ (လှည်းကူး) ကျောင်းတိုက်သည် ဗုဒ္ဓဘုရားရှင်က သံဃာတော်များအတွက် ချမှတ်ပေးခဲ့သည့် ဝိနည်းများကို အတတ်နိုင်ဆုံး ကျင့်ကြံလိုက်နာခြင်း၊ ဆရာတော် အရှင်အဘယာလင်္ကာရ၏ ရှင်းလင်းပြတ်သားသော ဓမ္မအမေးအဖြေများဖြင့် ဗုဒ္ဓဘာသာဝင်များအကြား လူသိများပြားလာလျက်ရှိသည်။

အရှင်အဘယာလင်္ကာရသည် လက်ရှိ လှည်းကူးမြို့၊ မဟာဝိဟာရကျောင်းတိုက်တွင် ပဓာန နာယကဆရာတော်အဖြစ် ပရိယတ္တိစာဝါများပို့ချပြီး သာသနာပြုလျက်ရှိသည်။